Telur leikskólamál í Reykjavík í slæmum málum: „Kannski væri betra að hafa gjaldið ör­lítið hærra“

Hildur Björns­dóttir, odd­viti Sjálf­stæð­is­flokks­ins í Reykja­vík, veltir fyrir sér hvort hækkað eigi leik­skóla­gjöld í Reykja­vík.

Und­an­farin ár hefur leik­skóla­starf í Reykja­vík verið í algjöru lama­sessi og hafa lof­orð borg­ar­stjóra um að mæta þörfum borg­ar­búa hafa litlu skilað. Núna eru rúm­lega 700 börn sem bíða eftir plássi í leik­skólum í Reykja­vík. Hildur Björns­dóttir, odd­viti Sjálf­stæð­is­flokks­ins í Reykja­vík, segir stöðu mál ekki góða og veltir fyrir sér hvort það þurfi að hækka leik­skóla­gjöld.

„Kannski væri betra að hafa gjaldið ör­lítið hærra ef það yrði til þess að bæta þjón­ust­una,“ sagði odd­vit­inn í sam­tali við mbl.is um málið og að von­brigðin með árang­ur­inn væru mikil. 

„Við erum auð­vitað gríð­ar­lega von­svik­in enn eina ferð­ina að ekki hafi náðst meiri ár­ang­ur í þess­um leik­skóla­mál­um. Staðan er enn þá mjög slæm, þrátt fyr­ir mjög fög­ur fyr­ir­heit og lof­orð í kosn­ing­um fyr­ir rétt rúmu ári síðan þar sem að því var lofað að öll 12 mán­aða börn myndu fá inn­göngu á leik­skóla strax það haustið.“

„Það sem við höf­um viljað sjá er auð­vitað að málið verði sett í for­gang og að fólk myndi skynja að þetta sé póli­tískt for­gangs­mál hjá þess­um meiri­hluta. Við höf­um líka bent á það að það sé ekki ein lausn sem henti öll­um fjöl­skyld­um,“ sagði Hildur.