Hamfaraveður á Siglufirði í nótt: Hús við Aðalgötu splundraðist og rýma þurfti íbúðarhús

Sigl­firð­ingum var sumum ekki svefn­samt í nótt þegar ofsa­veður gekk yfir stað­inn. „Mikill vindur og gríða­legir vind­strengir hafa verið á Siglu­firði í gær og nótt og við­búið að svo verði áfram, fram eftir degi og til kvölds,“ segir í dag­bók lög­regl­unnar á Norð­ur­landi eystra

Kraft­ur­inn í vind­hvið­unum var með slíkum ósköpum að hús við Aðalgötu sprakk bók­staf­lega í gær­kvöld. Í einni vind­hvið­unni tókst þak húss­ins að hluta á loft með þeim afleið­ingum að brakið dreifð­ist um stórt svæði. Tjón varð á nær­liggj­andi húsum og mann­virkjum og þurfti meðal ann­ars að rýma eitt hús. Ekki urðu slys á fólki þegar ósköpin gengu yfir. Umferð um Aðalgötu á Siglu­firði, frá Vetr­ar­braut, var lokað fyrir umferð þar til búið er að tryggja svæðið. Einnig er lokað fyrir umferð um bif­reiða­stæði við skrif­stofu Ramma á hafn­ar­svæð­inu. Opnað verður aftur fyrir umferð um leið og svæðið verður tryggt, að sögn lög­reglu.

Öll til­tæk björg­un­ar­tæki björg­un­ar­sveita á svæð­inu, slökkvi­liðs og lög­reglu hafa verið notuð við lok­anir í nótt. Þá hafa björg­un­ar­sveit­ar­menn verið á ferð­inni um bæinn til að lág­marka foktjón á öðrum stöðum. Búist er við að veður gangi niður með morgn­inum.