Lögreglan á höfuðborgarsvæðinu rannsakar brot manns sem talinn er hafa fróað sér á almannafæri að börnum ásjáandi og ítrekað sést vera í bíl á stöðum sem börn sækja. Skólastjórnendur Kársnesskóla sendu foreldrum í Kópavogi póst á þriðjudag þar sem varað er við manninnum og hegðun hans reifuð. Vísir segir frá þessu máli og vitnar til Bylgju Hrannar Baldursdóttur hjá kynferðisbrotadeild sem upplýsir að lögregla hafi tekið skýrslu af hinum grunaða.
Í póstinum sem Vísir vitnar til segir frá umræddum einstaklingi á fertugsaldri „sem við viljum ekki að sé í kringum börnin okkar“. Málið snýst um karlmann sem hefur endurtekið sést í bíl í vesturhluta Kópavogs nærri stöðum sem börn sækja. Bifreiðin er skráð á kynferðisbrotamann sem sat inni í hartnær átta ár í Bandaríkjunum fyrir að brjóta kynferðislega gegn stúlku á barnsaldri.
Meintur pervert hefur samkvæmt frásögn Vísis verið búsettur á Íslandi í rúmt ár.
Athugasemdir