Bubbi um laxeldismálin: „Þögn ráðherra í ríkistjórn Íslands er háværari en öskur þrumunnar“

Bubbi Morthens segir að ef ekki verði gripið í taumana muni villti lax­inum útrýmt á Íslandi.

Söngv­ar­inn hrein­skilni, Bubbi Morthens er síður en svo sáttur við ráða­menn á Íslandi. Í nýrri færslu á Facebook segir hann þögn ráð­herra rík­is­stjórn­ar­innar vera hávær­ari en „öskur þrumunnar“ og að fólk muni ekki gleyma henni.

Telur hann svo upp öll þau umhverf­isslys sem orðið hafa í tengslum við sjó­kvía­eldi, meðal ann­ars það að lúsafar­aldur geysi á Vest­fjörðum og að norskir eld­is­laxar séu farnir að bland­ast villta stofn­inum. Segir hann lífs­við­ur­væri 2.250 lög­býla í dreifðum byggðum vera í hættu ef villtir laxa­stofnar bíða skaða.

Færsluna má lesa hér í heild:

„Þögn Ráðherra í rík­i­s­tjórn Íslands er Háværi enn öskur þrumunar það eru kosn­ingar á leið­inni Jesús Pétur við gleymum ekki þess­ari Þögn

Öll þau umhverf­isslys sem spáð var fyrir um í sjó­kvía­eldi eru nú orðin að veru­leika. Frjóir norskir eld­is­laxar sem sleppa úr sjó­kvíum við Ísland synda upp í íslenskar ár og bland­ast villtum stofnum. Lúsafar­aldur geysar á Vest­fjörðum með til­heyr­andi notkun á skor­dýra­eitri. Villtum laxi fækkar og eld­is­laxi fjölgar. Eftirlit er í lama­sessi og umhverf­is­leg ábyrgð iðn­að­ar­ins er engin. Lífs­við­ur­væri 2.250 lög­býla í dreifðum byggðum er í hættu ef villtir laxa­stofnar skað­ast. Ef ekki er gripið í taumana núna munum við útrýma villta lax­inum og raska líf­fræði­legum fjöl­breyti­leika á Íslandi. Stöndum saman og krefj­umst þess að ráða­menn bindi enda á sjó­kvía­eldi á Íslandi“