Kristján Jóhannsson óperusöngvari skrifaði niðrandi athugasemd við auglýsingu Geirs Ólafs á Facebook.
Skjáskot sem sýnir afar óviðeigandi athugasemd Kristjáns Jóhannssonar óperusöngvara, var birt á samfélagsmiðlinum X (áður Twitter). Athugasemdina skrifaði Kristján við tilkynningu Geirs Ólafssonar söngvara á Facebook en hann var að tilkynna nýjasta sönggest sinn í Las Vegas Christmas sýningu sína í nóvember og desember. Við færsluan skrifar X-notandinn: „Stay classy Kristján.“
Gesturinn sem Geir kynnti var söngkonan og lagahöfundurinn Dagbjört Rúriksdóttir. Athugasemd Kristjáns þykir lykta af karlrembu síðustu aldar en hún var eftirfarandi: „Wooooow þarf hún nokkuð að sýngja“ og fylgdi orðunum nokkur tjákn, meðal annars hláturkall.
Mannlíf hafði samband við Geir Ólafs sem sagðist ekki hafa séð athugasemdina og því ekki geta tjáð sig um hana. Stuttu síðar var athugasemdina hvergi að finna. Hér fyrir neðan má sjá skjáskot af athugasemdinni en búið er að færa athugasemdina upp:
Kristján, sem er einn ástsælasti óperusöngvari þjóðarinn hefur þrátt fyrir vinsældirnar verið nokkur umdeildur á sínum ferli. Frægt er þegar hann sagði Eyrúnu Magnúsdóttur, þáverandi þáttastjórnanda Kastljóssins, vera rauða á brjóstunum af æsingi. Fyrr um daginn hafði hann jafnframt slegið sjónvarpsmanninn Gulla Helga á Stöð 2 er söngvarinn mætti í viðtal í Bítinu. „Þetta var helvíti fast,“ sagði Gulli í viðtölum eftir þáttinn með Kristjáni. DV hafði sama morgun skrifað frétt þar sem því val haldið fram að óperusöngvarinn hefði þegið himinhá laun fyrir að koma fram á styrktartónleikum í Grafarvogskirkju, þar sem markmiðið var að safna fé til stuðnings barna- og unglingageðdeild Landspítalans. Kristjáni fannst Gulli Helga koma aftan að sér með því að spyrja hann strax út í forsíðu DV, sem söngvarinn hafði ekki séð. „Ég hálf vorkenndi honum. Hann kom þessu mjög illa frá sér. Hann er orðinn eins og sannur Ítali, fljótur upp og fljótur niður aftur,“ sagði Gulli Helga sem sjaldan sagðist hafa lent í öðru eins.
Athugasemdir