Poula ætlar að kæra þann sem hjólaði á hana: „Sjálfsmyndin mín er í fokki eftir þetta kvöld“

Poula Rós Mittel­stein ætlar sér að kæra ein­stak­ling­inn sem hjólaði á hana um helg­ina á raf­magns­hlaupa­hjóli. Framtönn datt úr henni og tvær tennur losn­uðu. Höggið var svo slæmt að hún man ekk­ert eftir atvik­inu.

Poula Rós eftir árekst­ur­inn

Mannlíf sagði frá því að Poula Rós, þrí­tug, þriggja bara móðir sem býr á Reyð­ar­firði, hefði leitað á náðir Facebook við að finna vitni að því sem hún taldi í fyrstu hafa verið lík­ams­árás á hana. Hún hafði farið út að skemmta sér í miðbæ Reykja­víkur um síð­ustu helgi en vaknað á sjúkra­húsi með brotna fram­tönn, lausar tennur og bólgið and­lit. Þegar á leið á sunnu­dag­inn fékk Poula þær upp­lýs­ingar að ekki hefði verið ráð­ist á hana, heldur hafi ein­stak­lingur hjólað á hana á raf­magns­hlaupa­hjóli. Var Poulu sagt af lög­reglu­konu að mað­ur­inn hefði hjólað í burtu eftir slysið en sam­kvæmt upp­lýs­ingum Mannlífs er það rangt, lög­reglan ræddi við mann­inn á vett­vangi.

Mikil aukning slysa

Guð­mundur Pétur Guð­munds­son lög­reglu­full­trúi sagði í sam­tali við Mannlíf að tekin hafi verið prufa af mann­inum til að sjá hvort hann hefði verið undir áhrifum. „Það á svo bara eftir að koma í ljós. Eins og í öllum umferða­slysum er tekið sýni og það kemur bara í ljós.“
Aðspurður hvort fjölgun hafi orðið í raf­hlaupa­hjólaslysum segir Guð­mundur svo vera. „Þetta er búið að stór­aukast. Það er svo mik­ill hraði á þessum hjólum. Þó að þau séu ekki öll breytt, þá eru þau á alveg 20, 25 kíló­metra hraða og þú beygir kannski snögg­lega af gang­stétt­inni og yfir gang­braut. Og umferðin, þó hún sé ekk­ert hrað­ari en vana­lega þá er fólk ekki orðið nógu vant þessu. Það liggur við að öll svona hjól ættu ekki að kom­ast hraðar en á 10 niðri í bæ og við stórar umferð­ar­æðar, á ákveðnum tímum.“

Ætlar að kæra

Poula sagði í sam­tali við Mannlíf í dag að hún hafi hringt í lög­regl­una í dag og sagt henni að hún hyggð­ist kæra öku­mann raf­hlaupa­hjóls­ins og bíður nú sím­tals frá lög­regl­unni þar sem hún verður boðuð í við­tal. Poula fór til tann­læknis á mánu­dag­inn. „Ég borg­aði 200.000 fyrir að láta rétta allan góm­inn, þarf tvö inn­plant sem er ekki hægt að setja strax í því beinið er brotið. Hann saum­aði líka var­irnar að innan og skurð­inn þar sem fram­tönnin brotn­aði úr. Er mjög illa farin í munn­inum.“

Að sögn Poulu er sjálf­myndin í molum eftir slysið. „Ég er bara rosa­lega lítil í mér og sjálfs­myndin mín í fokki eftir þetta kvöld.“