Foreldrum í Árborg refsað fyrir að sækja börnin of seint – Tæpar 2000 kr fyrir hvert hafið korter

Foreldri eða for­ráða­maður sem sækir barn sitt 16 mín­útum of seint í ein­hvern af leik­skólum Árborgar þarf að greiða auka­lega 3822 krónur. 1. októ­ber síð­ast­lið­inn hóf sveit­ar­fé­lagið Árborg að rukka for­eldra og for­ráða­menn 1,911 krónur fyrir hverjar byrj­aðar 15 mín­útur umfram umsam­inn vist­un­ar­tíma á leik­skólum sveit­ar­fé­lags­ins. Skiptir því engu hvort um ræðir eina eða fimmtán mín­útur. Eftir fimmtán mín­út­urnar hefst önnur eins gjald­taka. Það sama á við ef mætt er með barn fyrir til­settan tíma.

Tímaskráning barnanna oft röng

Samkvæmt heim­ildum Mannlífs eru börnin skráð í tíma­skrán­ing­ar­kerfi í ipad og er skrán­ingin oft óná­kvæm. Þegar börnin eru sótt á úti­svæði leik­skól­anna er erfitt að halda utan um nákvæma tíma­setn­ingu þar sem ipa­d­inn er stað­settur inn­an­dyra og í valdi starfs­fólks­ins að skrá barnið út.

Kópavogur og Reykjavík sekta ekki

Mannlíf kynnti sér gjald­skrá ann­arra sveit­ar­fé­laga og til sam­an­burðar er gjaldið sam­kvæmt heima­síðu  Rangár­þingi ytra 637 krónur fyrir hverjar fimmtán mín­útur.

Á heima­síðum sveit­ar­fé­lag­anna Reykja­vík, Kópavogi, Reykja­nes­bær og Hafn­ar­fjörður kemur ekki fram hvort slíkt sekt­ar­gjald eða gjald­taka eigi sér stað en send var fyr­ir­spurn hvort eða hver hún væri.

Í svari frá Maríönnu Ein­ars­dóttur, leik­skóla­ráð­gjafa á mennta­sviði Kópa­vogs­bæjar kemur fram:

„Í Kópavogi hafa sekt­ar­greiðslur né önnur gjald­taka ekki tíðkast þótt barn sé sótt of seint.“

Reykja­vík­ur­borg sektar ekki seina for­eldra en í svari Hjör­dísar Rutar Sig­ur­jóns­dóttur segir:

„Nei það er ekki slíkt gjald/sekt fyrir að sækja of seint eða að mæta of snemma í leik­skóla Reykja­vík­ur­borgar.“

Ingbjörg Bryndís Hilm­ars­dóttir, leik­skóla­full­trúi hjá Reykja­nesbæ svarar:

„Hjá Reykja­nesbæ hefur ekki verið inn­heimt gjald ef for­eldrar sækja börn of seint“

Erfið fjárhagsstaða Árborgar

Árborg er á barmi gjald­þrots en í apríl síð­ast­liðnum var fjallað um erf­iða fjár­hags­stöðu sveit­ar­fé­lags­ins og fjölda­upp­sagnir hjá Árborg. Lækkuð voru laun Fjólu Stein­dóru Krist­ins­dóttur bæj­ar­stjóra Árborgar um fimm pró­sent. Heim­ildin fjall­aði um launa­tekjur Fjólu Stein­dóru sem voru 973 þús­und krónur að með­al­tali á mán­uði árið 2022 en fjár­magnstekjur hennar námu sam­tals 82,8 millj­ónir króna.

*Fréttin hefur verið upp­færð

Upp­sagnir hjá Árborg: 57 starfs­menn missa vinn­una – Laun bæj­ar­stjóra lækka um 5 pró­sent