Brynjar Níelsson fyrrverandi aðstoðarmaður dómsmálaráðherra og alþingsmaður vandar RÚV ekki kveðjurnar í nýrri færslu á Facebook. Þar bendir hann á að stofnun sé rekin fyrir 7 milljarða sem koma úr vasa skattgreiðenda og að stofnunin beiti hentisemi þegar kemur að því að fara eftir lögum:
„Hver ber ábyrgð á þessu kompaníi sem fær á sjöunda milljarð frá skattgreiðendum á hverju ári, raskar öllum eðlilegum fjölmiðlamarkaði og fer bara að lögum þegar því sýnist?“
„Og þeir eru ekki síðri snillingar sem geta rekið fréttastofu almannaútvarpsins eins og einkafirma pólitískra aktivista sem er í því að sannfæra almenning um að Hamas sé í frelsisbaráttu og þess á milli að grafa undan mikilvægustu atvinnugreinum þjóðarinnar og réttarríkinu þegar mikið liggur við til að réttlæta brot þeirra með réttu skoðunina.“
Þá spyr hann hvort stjórnmálamenn séu svo ábyrðalausir að þeir sofi á verðinum. Loks vendir hann kvæði sínu í kross og telur þess víst að ef viðlíka háttalag væri hjá öðrum ríkismiðlum þá myndi heyrast hljóð úr horni.
Hér að neðan má sjá færslu Brynjars í heild:
Athugasemdir