Ingibjörg Sólrún telur þörf á aðgerðum: „Ofbeldi gegn konum er eins og farsótt“

Ingi­björg Sólrún mætti í Silfrið til ræða jafn­rétti á Íslandi.

Í Silfrinu í gær voru ýmis mál­efni ræddi eins og venjan er og var snert á jafn­rétti kynj­anna á Íslandi og ræddu Ingi­björg Sólrún Gísla­dóttir, fyrr­ver­andi ráð­herra og borg­ar­stjóri, og Sonja Ýr Þor­bergs­dóttir, for­maður BSRB, um ofbeldi gegn konum. „Ofbeldi gegn konum er eins og far­sótt, sem við verðum að takast á við með sömu alvöru og aðrar far­sóttir. Eins og við gerðum með Covid, eða hvað það nú er,“ sagði Ingi­björg Sólrun í Silfrinu þegar hún var spurð um hvað væri brýn­ast að laga þegar kemur að jafn­rétti kvenna á Íslandi. Þá nefndi hún einnig laun í umönn­un­ar­stéttum í því sam­hengi.

Undir orð Ingi­bjargar tók Sonja Ýr. „Þegar við erum með rann­sókn eftir rann­sókn sem sýna sömu töl­fræði, þá er alveg ljóst að þetta er far­aldur, eins og Ingi­björg nefndi. Þá þarf að bregð­ast við því með sama alvar­leika eins og við við gerðum í Covid-far­aldr­inum,“ sagði Sonja.

„Rót vand­ans eru ger­endur, það verður að beina sjónum að ger­endum, og útrýma ofbeld­inu með þeim hætti. Besta bólu­efnið er fræðsla,“ sagði Sonja Ýr. „Það hefur verið mjög alvar­leg umræða um kyn­fræðslu, sem búið er að berj­ast fyrir í ára­tugi og er mjög mik­il­væg. Það er eitt af bólu­efn­unum.“