Diddi gleymdi að hann bjargaði lífi manns sem lenti í sjónum: „Það var arfabrjálað veður þarna“

Gestur Sjóarans er Sigurður Frið­riks­son, betur þekktur sem Diddi Frissa, var til sjós í að verða hálfa öld. Hann gaf nýverið út bók­ina Lífssaga Didda Frissa – Kröft­ugur til sjós og lands þar sem farið er yfir lífs­hlaup hans.

Í við­tal­inu rifjar Diddi upp atvik þar sem hann bjarg­aði félaga sínum úr sjó. Sagðist hann hafa verið búinn að gleyma því. „Ég mundi eftir því þegar mér var sagt frá því,“ sagði Diddi við Reyni og glotti. „Það var á Berg­vík­inni. Hann heitir Rafn Arnar Guð­jóns­son [sá sem fór í sjó­inn – inn­skot blaða­manns.]. Og við vorum á humar­veiðum austur á Bugt. Og við vorum að taka trollið inn í vit­lausu veðri, ég man að það voru engin bátar á sjó þarna. Við vorum eitt­hvað þarna austur í Skeið­ar­ár­dýpi og drógum þarna út og hífðum þá allt upp undir landi. Ég held að það hafi verið 60 faðmar sem við máttum fara upp á. En það var arfa­brjálað veður þarna. Og hann bara missti belg­inn út og ætl­aði að halda í hann og hann flaug bara með. Og ég ein­hvern veg­inn náði í hak­ann og kippti í hann. Bara hak­aði hann upp. Ef ég hefði ekki náð honum þarna þá er ég ekki viss að við hefðum náð honum.“

Hægt er að horfa á allt við­talið í hlað­varpsveitu Mannlífs.