Slíta samstarfi vegna kvennaverkfallsins: „Stríðir gegn gildum“

Kvenna­verk­fall hefur áhrif á bóka­út­gáfu.

Knatt­spyrnu­versl­un­inn Heima­völl­ur­inn hefur ákveðið að slíta sam­starfi við Pennann/Eymunds­son en til stóð að halda útgáfu­hóf í til að fagna útgáfu bókar sem Sveindís Jane Jóns­dóttir, lands­liðs­kona í knatt­spyrnu, skrif­aði. Ástæða fyrir sam­starfs­slit­unum er að sögn Heim­vall­ar­ins afstaða Pennans/Eymunds­son á verk­falls­degi kvenna og kvára þann 24. októ­ber.

„Til stóð að Heima­völl­ur­inn myndi halda útgáfu­hóf í dag laug­ar­dag­inn 28. októ­ber í sam­starfi við Pennann/Eymunds­son til að fagna útgáfu bókar Svein­dísar Jane Jóns­dóttur, leik­manns íslenska lands­liðs­ins og Wolfsburg í knatt­spyrnu,“ segir í yfir­lýs­ing­unni.

„Í ljósi frétta um afstöðu Pennans/Eymunds­son á verk­falls­degi kvenna og kvára þann 24. októ­ber síð­ast­lið­inn höfum við á Heima­vell­inum ákveðið að draga okkur út úr sam­starf­inu með Pennanum/Eymunds­son þar sem afstaða þeirra stríðir gegn gildum Heima­vall­ar­ins og því sem við stöndum fyrir. Við höfum reynt að fá frek­ari svör frá Pennanum/Eymunds­son án árang­urs,“ en Heim­völl­ur­inn hefur verið leið­andi þegar kemur að knatt­spyrnu­vörum fyrir konur og karla.

„Markmið versl­unar Heima­vall­ar­ins hefur frá upp­hafi verið að stuðla að jafn­rétti og auka fjöl­breytni fyr­ir­mynda í knatt­spyrnu. Þetta höfum við gert með því að standa við bakið á íslenskum knatt­spyrnu­konum, segja sögu þeirra, auka sýni­leika þeirra og halda við­burði þar sem að ungir knatt­spyrnu­iðk­endur geta hitt átrún­að­ar­goð og fyr­ir­myndir sínar augliti til auglitis.“

„Við stöndum fullum fetum við bakið á Svein­dísi og munum styðja hana í öllum hennar verk­efnum. Við hlökkum til að halda áfram að aðstoða Svein­dísi við afhend­ingu, kynn­ingu og sölu á bók­inni,“ segir í yfir­lýs­ing­unni að lokum.