Nafn drengsins sem lést á Ásvöllum

Dreng­ur­inn sem lést í slys­inu á Ásvöllum mánu­dag­inn 30. októ­ber hét Ibrahim Shah Uz-Zaman. Ibrahim fædd­ist í jan­úar 2015 og var því átta ára gam­all.

Í til­kynn­ingu á vef­síðu Hraun­valla­skóla í Hafn­ar­firði, þar sem Ibrahim stund­aði nám, kemur fram að minn­ing­ar­at­höfn hafi verið haldin í veislu­sal Hauka á Ásvöllum í gær en þangað voru allir boðnir vel­komnir til að minn­ast drengs­ins með fjöl­skyldu hans. Ibrahim æfði knatt­spyrnu með Haukum.

Samkvæmt vef­síðu Menn­ing­ar­set­urs múslima á Íslandi fór jarð­ar­för Ibrahims fram á föstu­dag­inn í Gufu­nes­kirkju­garði.

Í til­kynn­ingu um jarð­ar­för­ina á sam­fé­lags­miðlum, sem birt­ist bæði á ensku og íslensku sagði: „Ibrahim Shah Uz-Zaman hvílir nú í friði hér á jörðu. Hann var umvaf­inn fjöl­skyldu og ást­vinum í dag, 3. nóv­em­ber. Hann heldur þó áfram að lifa í hjörtum okkar allra. Litar til­ver­una með eft­ir­minni­lega bros­inu sínu og dreifir ást, kær­leika og fót­bolt­atrixum upp í himna­ríki.“

Samkvæmt frétt Vísis hefur komið fram í minn­ing­ar­orðum um Ibrahim á sam­fé­lags­miðlum, að hann hafi verið ein­stak­lega góð­hjart­aður, brosmildur og hjálp­samur. Þá hafi hann verið fyrstu til að rétta þeim hjálp­ar­hönd, þeim sem þess þurftu.

Mannlíf sendir vinum og ætt­ingjum Ibrahim hjart­næmar sam­úð­ar­kveðjur.