Glæsikonan og framleiðandinn Inga Lind Karlsdóttir er í skotlínu Kristins H. Gunnarssonar, ritstjóra Bæjarins besta vegna ummæla sem hún lét falla um laxeldi í sjókvíum á Vestfjörðum. Hún staðhæfði í þættinum Bítið á Bylgjunni að þeir sem störfiuðu við fiskeldið væru flestir erlendir farandverkamenn. Þá væri fjöldi starfanna aðeins þriðjungur þess sem starfar við að baka og dreifa Domin’os-pitsum.
Yfirlýsingar hennar fóru fyrir brjóst Kristins ritstjóra sem þykir hallur undir fiskeldi og ákafur í vörninni. Kiddi sleggja, eins og hann kallaðist í handboltanum, krafði Ingu Lind um rökstuðning og benti á að hjá meintum skjólstæðingunum starfi 350 manns, mestmegnis Íslendingar. Þá skrifar hann að þrefalt fleiri Íslendingar starfi við fiskeldið en pitsurnar. Inga Lind, sem sjálf er laxveiðimaður, hefur ekki orðið við kröfunni um að færa rök fyrir ummælum sínum.
Sjókvíaeldi á Vestfjörðum á mjög undir högg að sækja vegna þeirra umhverfisáhrifa sem þeim fylgja. Eldislaxar hafa fundist á sveimi um ár landsins og ótti er uppi um erfðablöndun. Þá hafa nýjar hryllingsmyndir Vestfirðingsins Veigu Grétarsdóttur af lúsétnum og dauðvona laxi vakið upp reiðiöldu vegna laxeldisfyrirtækjum sem glíma við ímyndarbrest …
Athugasemdir