Grindavíkurvegurinn er farinn í sundur eftir öfluga jarðskjálfta undanfarnar klukkustundir. Lögreglan gaf úr tilkynningu rétt í þessu. „Grindavíkurvegurinn er lokaður þar sem hann er farinn í sundur vegna skjálftanna sem nú ganga yfir, en stór sprunga myndaðist í veginn rétt í þessu. sem hófst við Sundhnjúkagíga rétt fyrir 17 í dag gætu leytt til eldgoss,“ segir í tilkynningunni.
Rétt fyrir klukkan 17 í dag urðu tveir öflugir jarðskjálftar nærri Sundhnjúkagígum, en sá stærri var 5,1 á stærð. Eru þeir hinir öflugust síðan áköf skjáltahrina hófst á svæðinu um klukkan 15.
Samkvæmt frétt RÚV hefur ríkislögreglustjóri í samráði við lögreglustjórann á Suðurnesjum nú lýst yfir hættustigi Almannavarna, í kjölfar hinnar áköfu skjálftahrinu. Talið er að skjálftarnir gætu orðið stærri en þeir sem áður hafa átt sér stað og gæti atburðarásin leitt til eldgoss. Engin merki eru þó enn um að kvikan sé að leita á yfirborðið. Eru íbúar Grindavíkur hvattir til að fylgjast með upplýsingagjöf á almannavarnir.is, vedur.is og í fjölmiðlum.
En hvað þýðir hættustig Almannavarna? Það þýðir að hætta fer vaxandi og gripið er til ráðstafana svo tryggja megi best öryggi þeirra sem búa eða eru á svæðinu. Er slíkt gert með eflingu viðbúnaðar á viðkomandi svæði.
Athugasemdir