Grindvíkingar hvattir til að segja upp áskrift að Mogganum: Geta sparað sér 10.000 krónur á mánuði

Grind­vík­ingar eru hvattir til að segja upp áskrift að Morg­un­blað­inu í færslu í íbúa­hópi bæj­ar­ins.

Kona nokkur skrif­aði færslu í hádeg­inu inni á íbúa­hópi Grinda­víkur á Facebook. Þar hvetur hún Grind­vík­inga til að segja upp áskrift að Morg­un­blað­inu, enda berst þeim engin blöð þessa dag­ana, eðli máls­ins sam­kvæmt þar sem búið er að rýma bæinn. Segist konan hafa hringt í áskrifta­deild Morg­un­blað­ins þar sem hún spurði hvort það væri ekki búið að fella niður áskrif­ina í ljósi aðstæðna en að svarið hafi verið: „það má ekki, þið verðið að hringja sjálf.“ Sagði færslu­höf­undur einnig: „Ég spurði hvort ég borg­aði þá ekki til 10. nóv­em­ber, frá síð­asta blaði sem við fengum í Grinda­vík og þá var svarið „Nei, fram að deg­inum sem þú hringir“.“ Þegar konan óskaði eftir því að áskriftin yrði felld niður frá og með 11. nóv­em­ber en svörin sem hún fékk voru: „Við ráðum því ekki.“

Segir hún að lokum:

„Ég kvet ykkur sem segið upp áskrift­inni að biðja um þetta líka, þar sem við höfum engin blöð fengið og þetta er ekki það fyrsta sem við erum að hugsa um í dag ein­hverjar áskriftir.“Full áskrift, fyrir þá sem vilja fá Morg­un­blaðið sent heim alla daga auk þess að geta lesið allt efni blaðs­ins á vefnum, kostar 9.490 krónur, svo það munar um minna fyrir íbúa sem glíma nú við stress og óvissu vegna nátt­úru­ham­fara sem nú skekja Grinda­vík.

Uppfært: 

María Lilja Moritz Við­ars­dóttir þjón­ustu­stjóri Ávakurs skrif­aði athuga­semd við færslu kon­unnar þar sem hún segir svörin sem hún hafi fengið hjá áskrifta­deild­inni séu röng. „Sæl vertu. Mikið er leið­in­legt að lesa þetta, þessi svör sem þú fékkst eru alls ekki rétt. Engin áskrif­andi af Morg­un­blað­inu mun greiða fyrir áskrif á meðan á þessi mikla óvissa ríkir.“