Músafjölskylda drapst úr hungri í gæludýrabúð: „Þetta er að mínu viti ógeðslegt“

Sigríði brá heldur betur í brún þegar hún sótti músa­búrið sitt í gælu­dýra­búð. Músa­fjöl­skyldan hafði drep­ist úr hungri.

Sigríður keypti sér tvær hvítar mýs haustið 1994 í Dýra­rík­inu með þeim skil­yrðum að hún gæti skilað þeim, reynd­ust þær par. Það kom á dag­inn en parið eign­að­ist fljót­lega nokkra unga. Sigríður skil­aði því mús­unum en sneri aftur í versl­un­ina mán­uði seinna til að sækja búrið sem hún átti. Í fyrstu leit allt eði­lega út en nokkra daga tók hana að koma sér í að þrífa búrið. Þá blasti hryll­ing­ur­inn við, músa­fjöl­skyldan hafði drep­ist úr hungri og rotn­andi líkin lágu um allt búrið. Eig­and­inn taldi sum­ar­afleys­ing­ar­mann hafa gleymt búr­inu efst í hillu og því hefði fjöl­skyldan hlotið hin hrotta­legu örlög.

Mynd: Lubbi

DV skrif­aði um málið á sínum tíma en lesa má umfjöll­un­ina hér fyrir neðan.

Skilaði músum til gælu­dýra­versl­unar:

Fékk þær dauðar og rotn­aðar til baka mán­uði síðar

– mjög slæmt mál, segir versl­un­ar­eig­and­inn

„Ungarnir ásamt mömm­unni lágu allir rotn­aðir í kös og greini­lega búnir að vera lengi dauðir. Ég keypti þarna tvær hvítar mýs og það var um það talað að þær ættu að vera af sama kyni, ef þær reynd­ust vera par mætti ég skila þeim í versl­un­ina aftur. Það kom svo á dag­inn að um par var að ræða sem eign­að­ist unga. Ég fór þá með fjöl­skyld­una, alls 10 dýr, og skil­aði þeim í búð­ina. Það varð að sam­komu­lagi að ég skildi búrið eftir,“ segir Sigríður Ósk Jóns­dóttir. Sigríður seg­ist hafa skilað mús­unum fyrir mán­uði í Dýra­ríkið við Grens­ás­veg og svo sótt búrið fyrir viku. Hún seg­ist ekki hafa séð neitt athuga­vert við búrið í upp­hafi en seinna, þegar hún ætl­aði að þrífa það, kom annað á dag­inn „Ég sá strax að búrið var skítugt en skoð­aði það ekk­ert nánar. Ég gekk hins vegar í að þrífa það um helg­ina og sá þá hvers eðlis var. Mér virð­ist sem mamman hafi verið búin að éta ung­ana að hluta og síðan drep­ist úr hungri sjálf. Þetta er að mínu viti ógeðs­legt og ástæða til að upp­lýsa hvað hefur gerst þarna,“ segir Sigríður. Gunnar Vil­helms­son, eig­andi Dýra­rík­is­ins, sagði að allt benti til þess að sum­ar­afleys­inga­maður hefði sett búrið upp í hillu með mús­unum í og það gleymst þar. „Þetta er mjög slæmt mál og hefur aldrei gerst áður hjá okkur. Þetta verður rætt við alla starfs­menn­ina og á ekki að geta gerst aftur,“ segir Gunnar.