Fjölskylda Rachel dreifir myndum af morðingjanum í menntaskóla: „Við þurfum að finna þann grunaða“

Fjöl­skyda Rachel Morin, fimm barna móð­ur­innar sem myrt var á þekktri göngu­leið í Maryland í sumar, ætlar sér ekki að gef­ast upp á að finna morð­ingj­ann. Nú leitar hún til mennta­skóla­kenn­ara.

CBSNews segir frá því að fjöl­skylda Rachel Morin, sé óþreyt­andi í leit sinni að rétt­læti fyrir Rachel. „Við þurfum að finna þann grun­aða svo eng­inn annar þurfi að upp­lyfa þennan missi um hátíð­arnar,“ sagði Matthew McMahon, faðir elsta barns Rachel.

Fjöl­skylda Rachel, með hjálp lög­manna hennar, hafa nú sent bréf til fimm mennta­skóla í Los Angeles, en þar náð­ist sá grun­aði á mynd­bands­upp­töku úr örygg­is­mynda­vél, þar sem hann yfir­gefur hús sem hann braust inn í og nauðg­aði ungri stúlku, fyrr á árinu. DNA-sýni frá morð­vett­vang­inum pass­aði við vett­vang­inn í Los Angeles. Ekki sést í and­lit manns­ins.

„Hann gæti hafa verið í mennta­skóla fyrir sirka tveimur til 10 árum síðan,“ segir lög­maður Morin-fjöl­skyld­unnar, Randolph Rice. „Þannig að ef það er ein­hver kenn­ari þar sem kenndi honum og og sá hann á hverjum degi skóla­árs­ins, þá getur hann von­andi borið kennsl á mann­inn.“

Morin fór í göngutúr á Ma og Pa göngu­leið­ina þann 5. ágúst um 18:00 en kom ekki aftur um kvöldið. Stuttu síðar var til­kynnt um hvarf hennar. Næsta dag fann sjálf­boða­liði lík hennar en hún hafði greini­lega verið myrt.

Síðan þá hefur fjöl­skylda Rachel gert allt sem í þeirra valdi stendur til að finna morð­ingj­ann en fyrr í þessum mán­uði sendi fjöl­skyldan 10.000 dreifiseðla nærri staðnum sem nauðg­unin átti sér stað í Los Angeles. „Munið, það hefur ekki verið fjallað eins vel um málið í Los Angeles eins og það hefur verið hér í Baltimore og í Maryland,“ sagði rice og hélt áfram. „Þannig að við erum von­góð um að kannski hafi ein­hver þarna úti ekki enn séð mynd­irnar úr örygg­is­mynda­vél­inni, að við náum til ein­hvers.“

Eins og áður hefur komið fram var Rachel fimm barna móðir.

„Því miður verður risa tóma­rúm í hátíð­ar­fagn­að­inum þetta árið, bæði á þakk­ar­gjörð­ar­dag­inn og um jólin, því Rachel verður ekki með okkur,“ sagði McMahon. Að hans sögn eru börnin enn í sárum. „Börnin taka fram­förum, en það sem þau þurfa mest á að halda er að þessi maður náist.“