Edda Björk vistuð í alræmdu fangelsi: „Þetta er strangara en við eigum að venjast“

Edda Björk Arn­ar­dóttir, sem var fram­seld til Noregs í fyrra­dag, hefur verið úrskurðuð í gæslu­varð­hald og mun hún sitja í því í hið minnsta 30 daga að öllu óbreyttu. Ein­hverjum kom á óvart og þegar til­kynnt var að Edda myndi vera vistuð í sama fang­elsi og Anders Behring Breivik var vistaður í en sam­kvæmt Jóhannes Karli Sveins­syni, lög­manni Eddu, er búið að breyta því í kvenna­fang­elsi.

Réttur Eddu Bjarkar til sam­skipta við umheim­inn er mjög tak­mark­aður á meðan gæslu­varð­hald­inu stendur og mun hún aðeins geta talað við fjöl­skyldu sína í 30 mín­útur sím­leiðis í hverri viku.

„Þetta er strang­ara en við eigum að venj­ast. Í íslensku gæslu­varð­haldi eins og hún var í hérna áður mátti hún alveg fá heim­sóknir frá ætt­ingjum og hringja í lög­mann hvenær sem var. En það eru miklu meiri hömlur þarna,“ sagði Jóhannes í sam­tali við Vísi um málið.

Ekki liggur fyrir hvenær Edda Björk fer fyrir dóm en hún er sökuð fyrir að flutt börn sín í óleyfi frá Noregi í fyrra.