Ráðherra og landsliðsþjálfari rífast í fjölmiðlum: „Það eiga allir flottari fótboltavelli“

Þor­steinn Hall­dórs­son, lands­lið­ið­þjálf­ari A-lands­liðs­kvenna í knatt­spyrnu, heldur áfram að senda Ásmundi Einar Daðasyni, íþrótta­mála­ráð­herra, pillur í fjöl­miðlum. Þjálf­ar­inn gagn­rýndi Ásmund harð­lega í við­tali þar sem að hann sagði að ráð­herra hefði aldrei mætt á lands­leik og aðstaðan á Laug­ar­dals­velli væri til skammar.

Ásmundur svar­aði þess­ari gagn­rýni Þor­steins í við­tali á Vísi í gær í löngu máli án þess þó að segja mikið.

„Ég er bara ánægður með þegar lands­liðs­þjálf­ar­arnir brýna okkur. Það á við hvort sem um ræðir knatt­spyrn­una, körfu­bolt­ann, hand­bolt­ann, fim­leik­ana eða aðrar íþróttir. Það er auð­vitað þannig að aðstöðu­mál okkar fremsta íþrótta­fólks hafa verið engan veg­inn ásætt­an­leg í mjög mörg ár.

Svona hvatn­ingu tökum við áfram en við erum hins vegar með þetta í þeim far­vegi núna, og erum að keyra það mjög fast póli­tískt áfram að við ætlum að koma þjóð­ar­höll af stað. Þar erum við á síð­ustu metr­unum að klára það milli ríkis og borgar. Í fram­hald­inu ætlum við að setja aðra þjóð­ar­leik­vanga, það er að segja knatt­spyrnu­völl og frjáls­í­þrótta­völl, í sam­bæri­lega fasta póli­tíska far­veg­inn.

Ég er algjör­lega sam­mála okkar fremsta íþrótta­fólki, hvort sem það eru þjálf­arar, leik­menn eða aðrir, að þetta er til hábor­innar skammar hvernig við höfum haldið á þessu. Þess vegna erum við að keyra þetta póli­tískt áfram og svona hvatn­ing hjálpar bara til þess að ýta mál­inu áfram. Þannig að ég vil bara þakka kær­lega fyrir þetta.“

Um að hann mæti aldrei lands­leiki svar­aði Ásmundur:

„Ég reyni að fara sem víð­ast á leiki, eins og ég get. Það á við um öll okkar lands­lið. Nú er ég hér að fylgja kvenna­lands­lið­inu á heims­meist­ara­mót. Ég gerði slíkt hið sama þegar ég fylgdi kvenna­lands­liði knatt­spyrn­unnar til Englands. Mér finnst sér­stak­lega gaman að fylgja kvenna­lands­lið­unum okkar eftir og við eigum gera það sem við getum til að efla þau. Ég þakka hvatn­ing­una. Ég reyni að mæta á eins marga við­burði og ég get og mun gera það áfram, hjá öllum sér­sam­böndum í öllum íþrótta­greinum.“

Þor­steinn var ekki lengi að svara Ásmundi en hann var spurður út í málið á RÚV.

„Ég sá fyr­ir­sögn­ina en var ekki búinn að lesa þetta. Jújú, auð­vitað bara jákvætt að menn sjái þetta og sjái að hlut­irnir eru ekki í lagi en ég held að þetta snú­ist um að láta verkin tala og það er það sem maður bíður eftir. Það er alveg sama hvert við komum í hvaða land, hvaða borg, hvaða bæ. Það eiga allir flott­ari fót­bolta­velli heldur en við.“