Skýtur föstum skotum á meðlimi Vinstri grænna: „Hefur þetta fólk enga sómakennd?“

Einar Stein­gríms­son segir að sagan sé að end­ur­taka sig á Íslandi en í stað þess að gyð­ungum sé synjað um land­vist hér á landi á sínum tíma, eru það nú Palest­ínu­menn sem er synjað.

Stærð­fræð­ing­ur­inn og sam­fé­lags­rýn­ir­inn Einar Stein­gríms­son skrif­aði Facebook-færslu í gær­kvöldi þar sem hann hlekkj­aði frétt RÚV af Palest­ínu­manni sem fær ekki að flytja móður sína frá Gaza hingað til lands. Bendir hann á að fólk í Vinstri grænum viti vel og „og hefur alla tíð gagn­rýnt, hvernig gyð­ingum var synjað um land­vist á Íslandi á fjórða ára­tugnum.“ Og Einar hélt áfram: „Hvernig getur þetta fólk horft aðgerða­laust á sömu sög­una end­ur­taka sig“

Færsluna má sjá í heild sinni hér fyrir neðan en þar vitnar hann í frétt RÚV:

„Full­orðið fólk í VG veit vel, og hefur alla tíð gagn­rýnt, hvernig gyð­ingum var synjað um land­vist á Íslandi á fjórða ára­tugnum. Hvernig getur þetta fólk horft aðgerða­laust á sömu sög­una end­ur­taka sig? Hefur þetta fólk enga sóma­kennd, svo ekki sé höfðað til dýpri hvata?:

„Maður sem hefur fengið neitun um leyfi fyrir móður sína til að flytja hingað til lands frá Gaza segir það ekki aðeins spurn­ingu um laga­bók­staf heldur sið­ferði að bjarga manns­lífum fólks á átaka­svæðum“.“