Þrír unglingar létust eftir árekstur rútu og fólksbíls í Suður-Wales í gær. Tveir unglingar voru einnig fluttir með sjúkrabíl á spítala en báðir eru lífshættulega slasaðir.
Slysið átti sér stað á Elwyn Street í Coedely en þeir sem létust voru 18 og 19 ára gamlir. Greint hefur verið frá nafni eins þeirra látnu en var það ungur og efnilegur hnefaleikakappi að nafni Morgan Smith(19). Unglingarnir sem voru í bílnum voru gamlir skólafélagar og höfðu verið úti að skemmta sér. Faðir Morgan, Daniel Chalfont, minntist sonar síns og sagði hann hafa verið hinn fullkomna son. ,,Ég sakna þín svo mikið nú þegar. Veit ekki hvernig ég mun lifa lífinu án þín. Bókstaflega niðurbrotinn.‘‘
Alex Davies-Jones, þingmaður Pontypridd, skrifaði um slysið á Facebook-síðu sína í dag og sagði: „Algerlega hræðilegar fréttir að berast samfélaginu okkar í morgun. Allar hugsanir mínar eru hjá fjölskyldum og ástvinum sem verða fyrir áhrifum af þessum harmleik.“
Athugasemdir