Rannsóknarblaðamaðurinn John Pilger er látinn: „Hans verður sárt saknað“

Einn virt­asti rann­sókn­ar­blaða­maður heims, John Pilger er lát­inn, 84 ára að aldri. Kristinn Hrafns­son minn­ist hans á Facebook.

Hinn marg­verð­laun­aði ástr­alski rann­sókn­ar­blaða­maður John Pilger, sem var harður gagn­rýn­andi á „heims­valda­hyggju“ Vest­ur­landa, er lát­inn, 84 á að aldri. Þekkt­astur var hann fyrir frétta­mennsku sína í Víetnam­stríð­inu, sem og fyrir heim­ild­ar­myndir sínar á borð við The War You Don´t See, Breaking the Silence: Truth and Lies in the War on Terror og Palestine is Still the Issue.

Fjöl­skylda Pilger sendi frá sér stutta til­kynn­ingu í gær þar sem sagt var frá and­láti hans en hann lést í Lundúnum.

„Blaða­mennsku hans og heim­ild­ar­myndum var fagnað um allan heim, en fyrir fjöl­skyldu hans var hann ein­fald­lega hinn ótrú­leg­asti og elskaði pabbi, afi og félagi. Hvíldu í friði,“ segir í til­kynn­ing­unni.

Lætur hann eftir sig lífs­föru­naut sinn, blaða­kon­una Yvonne Roberts og börn hans tvö, Sam og Zoe.

Þúsundir minnt­ust Pilger á sam­fé­lags­miðlum eftir fregn­irnar.

„Heim­ur­inn hefur misst einn sinn allra besta blaða­mann og mann af fyllstu ráð­vendi,“ skrif­aði einn á X-inu.

„Frábær blaða­maður, góður maður og gríð­ar­legt afl, er nú fallið,“ skrif­aði annar not­andi mið­ils­ins.

Þá minnt­ist Kristinn Hrafns­son, rit­stjóri Wikileaks, John Pilger á Facebook í dag en þeir tveir voru félagar. Hér má lesa færslu Kristins:

„Fékk þær sorg­legu fréttir í gær­kvöld að John Pilger væri lát­inn. Þá er fall­inn frá einn af allra merk­ustu blaða­mönnum síð­ari tíma, mað­ur­inn sem var ódeigur fram í and­látið að beita gagn­rýnni blaða­mennsku til að afhjúpa mis­beit­ingu valds­ins ekki síst í styrj­öldum. Hann vissi hversu illa valdið gat brugð­ist við blaða­mönnum sem afhúp­uðu sann­leik­ann og var ötull bar­áttu­maður fyrir frelsi Julian Assange í meira en ára­tug. Hann var alltaf boð­inn og búinn að mæta á alla við­burði sem hann gat, til að tala máli Julians og rita greinar til gagn­rýna aðför­ina að þessum landa sínum.Við áttum góð sam­skipti og það var ánægju­legt að stuðla að því að hann kæmi til Íslands fyrir nokkrum árum á kvik­mynda­há­tíð­ina í Reykja­vík. Hann skerpti þann skiln­ing minn að blaða­mennska sem hefur ekki rétt­læti að leið­ar­ljósi er ekki mik­ils virði. Því miður er oft dauft yfir þeim skiln­ingi í stétt­inni. Hann var manna harð­astur á því að alvöru blaða­mennska væri gagn­rýnin og aðgangs­hörð á valdið. Allt annað er bara stef af áróðri valda­stétta eða í skársta falli afþrey­ing.Ég er þakk­látur fyrir að hafa kynnst John Pilger og mun minn­ast góðra stunda. Hans verður sárt saknað.“