Varaþingmaður Sjálfstæðisflokksins, Brynjar Níelsson hnýtir í Helga Hrafn Gunnarsson og tekur upp í leiðinni hanskann fyrir Arnar Þór Jónsson, forsetaframbjóðanda.
Brynjar Níelsson ætlar í megrun. Þetta tilkynnti hann alþjóð á Facebook. Segist hann hafa boðað til fundar í sundlaugagarðinum á Tenerife, þar sem hann hefur dvalið undanfarnar vikur. Á fundinum hafi hann ætlað að tilkynna stórar ákvarðanir en enginn hafi mætt „nema nokkrir Þjóðverjar til að setja handklæðin á sólbekkinn.“ Segir hann að ekki hafi hann ætlað að tilkynna um forsetaframboð, heldur að hann væri byrjaður í megrun.
Tekur hann svo hanskann upp fyrir forsetaframbjóðandann Arnar Þór Jónsson og hnýtir í leiðinni í Helga Hrafn Gunnarsson, fyrrverandi þingmann Pírata en segja má að köldu hafi andað á mili Brynjars og Helga Hrafns og reyndar flestra Pírata, um langt skeið. „Vinur minn, Helgi Hrafn Gunnarsson, setti nýtt met í yfirlæti í gær þegar hann fann hjá sér þörf til að vara kjósendur sérstaklega við hæstaréttarlögmanninum og fyrrverandi dómaranum, Arnari Þór Jónssyni, í næstu forsetakosningum vegna þess að hann skorti bæði dómgreind og heilindi. Helga Hrafni finnst, eins og flestum á hans væng í stjórnmálum, að hans skoðanir séu staðreyndir og því andstæð sjónarmið beinlínis hættuleg og merki um óheilindi og dómgreindarleysi. Ég segi bara við Helga Hrafn, vin minn: Hvað heldurðu eiginlega að þú sért?“ Segir Brynjar að Arnar Þór hefði „skýra sýn og hugmyndafræði og getur komið hugsun sinni frá sér með skiljanlegum hætti, bæði í munnlega og á prenti,“ en að fólk geti verið ósammála honum, en „í stað þess að væna hann um óheilindi og dómsgreindarskort væri rétt að taka frekar rökræðuna við hann. Það gerir fólk sem er annt um lýðræðið, Helgi Hrafn.“
Færsluna má sjá hér fyrir neðan:
Athugasemdir