Helga Vala um ástandið á Bráðamóttökunni: „Hvar er Willum? Er enginn heima?“

Helga Vala Helga­dóttir spyr hvort það sé eng­inn heil­brigð­is­ráð­herra á Íslandi og beri ábyrgð á ástand­inu á Bráða­mót­tök­unni.

Hrylli­legt ástand Bráða­mót­tök­unnar hefur verið í fréttum síð­ustu daga en dæmi eru um að sjúk­lingar hafi þurft að liggja á gólf­inu og á köldum stál­bekkjum. Helga Vala Helga­dóttir, lög­maður og fyrr­ver­andi þing­maður Sam­fylk­ing­ar­innar, skrif­aði færslu í gær á Facebook þar sem hún furðar sig á því að eng­inn sé kall­aður til ábyrgðar á ástand­inu og lát­inn svara fyrir það. Spyr hún hvort það sé yfir­leitt heil­brigð­is­ráð­herra á land­inu.

Færlan er hér í heild sinni:

„Hlusta á frétta­tím­ann þar sem fjallað er um hættu­á­stand á Land­spít­ala, m.a. Bráða­mót­töku. Þar er fjallað um þetta eins og eitt­hvað nátt­úru­lög­mál en engin til­raun gerð til að leita svara þar sem ábyrgðin liggur; hjá stjórn­völdum. Er kannski eng­inn heil­brigð­is­ráð­herra á Íslandi? Hvað hafa þau sem bera ábyrgð á þessu um þetta að segja? Hvar er Willum? Hvar (hver) er for­maður vel­ferð­ar­nefndar Alþingis? Er eng­inn heima?

Er ekk­ert gert ráð fyrir að þau hafi skoðun á þessu hættu­á­standi?“