Virtur blaðamaður um hryllinginn á Gaza: „Hef aldrei skammast mín jafn mikið fyrir að vera Ísraeli“

Hinn marg­verð­laun­aði blaða­maður Gideon Levy, seg­ist aldrei hafa skamm­ast sín jafn mikið að vera Ísraeli og akkurat núna, þegar þjóð­ar­morð á Palest­ínu­mönnum er að eiga sér stað fyrir fyrir allra augum.

Ísra­elski blaða­mað­ur­inn Gideon Levy sagði á dög­unum að hann hefði aldrei skamm­ast sín jafn mikið fyrir að vera Ísraeli og akkurat núna. Þessi orð lét hann falla á World Forum-ráð­stefnu fyrir nokkrum dögum. Levy hefur lengi skrifað fréttir af mann­úð­ar­brotum Ísraela á hernumdu svæðum Palest­ínu en árið 2021 hlaut hann æðstu blaða­manna­verð­laun Ísrael, Sokolov Award fyrir blaða­mennsku.

Í stuttu mynd­skeiði frá World Forum-ráð­stefn­unni sem haldin var fyrir skömmu, kemur hann með töl­fræði­stað­reyndir um það sem er að ger­ast á Gaza.

„Á þessum klukku­tíma munu fjögur palest­ínsk börn vera drepin á Gaza. Síðustu tvo mán­uði hefur barn verið drepið á fimmtán mín­útna fresti. Á þessum klukku­tíma verða að minnsta kosti 10 Palest­ínu­menn vera drepnir á Gaza. Að minnsta kosti 20, 30 eða 40 munu missa heim­ili sitt fyrir fullt og allt. Nú er klukkan á Gaza 18:10. Börn, full­orðnir, gaml­ingjar, veikt fólk, eru nú að leita að skjóli fyrir nótt­ina. Við verðum að horfast í augu við það til­finn­inga­lega fyrst og fremst, því allar þessar stjórn­mála­grein­ingar og spurn­ingar um laga­lega þátt­inn, eru mjög mik­il­vægar. En við verðum að muna að á meðan við sitjum hér eru hörm­ungar að eiga sér stað. Ég er alltaf að sjá mynd­irnar [frá Gaza, inn­skot blaða­manns] og hef aldrei skamm­ast mín jafn mikið fyrir að vera Ísraeli.“