Danskur karlmaður ákærður fyrir morðið á sautján ára stúlku

Danskur karl­maður á fer­tugs­aldri hefur verið ákærður fyrir morðið á sautján ára gömlu Emilie Meng. Þetta kemur fram í yfir­lýs­ing­unni frá lög­regl­unni í Lolland-Falster en mað­ur­inn er einnig ákærður fyrir að hafa brotið gegn tveimur öðrum ungum stúlkum. Emilie fannst látin í stöðu­vatni á Sjálandi þann 24. des­em­ber árið 2016 en hennar hafði verið saknað í fimm mán­uði áður en hún fannst. Þá hefur komið fram í yfir­lýs­ingu frá lög­regl­unni að stúlkunni hafi verið nauðgað.

Rannsókn máls­ins gekk erf­ið­lega þar til um vorið árið 2023 þegar 32 ára gam­all karl­maður var hand­tek­inn fyrir að nema þrettán ára stúlku á brott. Stúlkan fannst á heim­ili manns­ins þar sem hann hafði brotið á henni kyn­ferð­is­lega. Maðurinn hefur lýst yfir sak­leysi í máli Emilie en játar að hafa numið þrettán ára stúlk­una á brott í fyrra vor.