Landhelgisgæslan æfir björgun úr þyrlu í vatni – Myndskeið

Þyrlu­á­hafnir Land­helg­is­gæsl­unnar æfa nú björgun úr þyrlu í vatni í hol­lensku borg­inni Rott­er­dam.

Samkvæmt heima­síðu Land­helg­is­gæsl­unnar verða allar þyrlu­á­hafnir Gæsl­unnar að gang­ast undir svo­kall­aða HUET-þjálfu, með reglu­legu milli­bili en það á jafnt við um flug­menn, sig­menn, spil­menn og lækna. Stefnu­markið er að allir um borð séu undir það búnir að kom­ast úr þyrlu sem þarf að lenda í sjó eða á vatni.

Fram kemur á heima­síð­unni að þjálfun sé bæði bók­leg og verk­leg en í verk­lega þætt­inum kemur áhöfnin sér fyrir í þyrlu­lík­ani. Líkaninu er svo slakað niður í sund­laug. Til að byrja með er það gert í róleg­heit­unum en svo eykst hrað­inn. Því næst er lík­an­inu velt og að lokum er æfingin gerð í myrkri. Er þetta gert til að líkja eftir sem raun­veru­leg­ustu aðstæðum.

Hér fyrir neðan má sjá mynd­skeið af æfing­unum sem hafa farið fram í Rott­er­dam í vik­unni.