Grétar Andrésson átti ekki góðan dag í vinnunni árið 1984.
„Þetta var ill og fúlmannleg árás,“ sagði Grétar Andrésson leigubílstjóri í samtali við DV árið 1984 þegar ráðist var á hann á leigubílastæði í Vesturbænum.
„Við vorum þarna tveir bílstjórar og sátum í fremri bílnum og biðum eftir sendingu frá stöðinni. Þá komu þessir menn gangandi á stæðið. Þeir byrjuðu á því að svipta upp dyrum á bílnum sem við sátum inni í. Fóru svo í minn bíl. Hann var í gangi og mannlaus fyrir aftan. Ég fór út og reyndi að hindra að bíllinn minn væri tekinn og skemmdur. Eftir að þeir höfðu gengið í burtu snýr yngri maðurinn til baka með brennivínsflösku og slær mig á augað og gagnaugað, braut flöskuna á höfðinu á mér,“ og slasaðist Grétar illa við það.
Ekki áttu sér stað nein orðaskipti milli Grétars og árásarmannanna fyrir utan að þeir óskuðu eftir að vera keyrðir til Akureyrar. „Það þurfti að sauma mig mikið. Þrettán spor á augabrún og nefi og enni. Ég fékk glerbrot í augað og annað djúpt á milli augnanna. Flaskan skemmdi einnig bílinn minn og bíllinn fyrir framan,“ sagði Grétar. „Ég var keyrður samstundis í blóði mínu #á slysavarðstofuna en mér skilst að eftirleikurinn hafi verið ljótur. Það#dreif að hóp manna og hann ógnaði þeim öllum með flöskustútnum. Þegar lögreglan kom hreinsaði hann sig af þremur eins og þeir væru tuskudúkkur.“
Grétar sagði einnig að hann myndi missa margar vikur úr vinnu vegna málsins.
Athugasemdir