Ólympíufari lést úr hjartaáfalli í fegrunaraðgerð: „Andi þinn og afrek þín munu endast að eilífu“

Íþrótta­konan Maricet González er látin aðeins 34 ára að aldri.

Maricet keppti í júdó á Ólymp­íu­leik­unum í Ríó fyrir sex árum síðan og var ein fremsta júd­ó­kona Kúbu. Hún keppti í 63 kg flokki á Ólymp­íu­leik­unum þar sem hún vann eina viður­eign og tap­aði annarri. Maricet lést eftir að hafa fengið hjarta­á­fall meðan hún gekkst undir brjósta­stækkun um síð­ast­liðna helgi. Maricet er minnst sem frá­bærrar íþrótta­konu en hún hætti að keppa árið 2017.

Pan-American-Júd­ósam­bandið sendi frá sér til­kynn­ingu á Instagram þar sem and­lát Maricet var harmað.

„Með djúpri sorg kveðjum við goð­sögn í Pan-amer­íska og kúbverska júd­óinu. Maricet Espinosa, þekkt sem „La Mole“, skilur eftir sig óaf­má­an­lega arf­leifð,“ skrif­aði sam­tökin, upp­haf­lega á spænsku, á Instagram.

Yfir­lýs­ing sam­tak­anna hélt áfram: „Tvö­faldur Pan-American meist­ari, heims­verð­launa­hafi og Ólymp­íu­full­trúi í Ríó 2016. Hvíl í friði, elsku besta Maricet. Sendum sam­úð­ar­kveðju til fjöl­skyldu hennar og kúbverska júd­óheims­ins. Andi þinn og afrek þín munu end­ast að eilífu.“