Ofbeldisfullt lestrarefni sex ára barna í Húsaskóla veldur ugg: „Hann átti beittan og stóran hníf“

„Hvað finnst ykkur um þetta? Þetta er lestr­ar­efnið sem 6 ára dóttir mín kom með heim úr skól­anum. Hvað hafa 6 ára börn að gera með að lesa svona sögur,“ spyr áhyggju­full móðir barns í Húsa­skóla í Graf­ar­vogi. Textinn sem umræðir er eft­ir­far­andi:

„Sómi rændi gulli.

Sómi var líka vondur.

Hann átti beittan og stóran hníf.

Hann drap menn ef þeir vildu ekki láta hann hafa gull.“

Í sam­tali við DV.is kemur fram að móð­irin óski nafn­leyndar en hún bætir við:

„Hér er boð­skap­ur­inn til sex ára barna að ef þau fá ekki það sem þau vilja þá beitir maður ofbeldi til að fá það fram. Þessi bók fór rak­leiðis í skól­ann aftur og ég ræddi við kennar­ann.“

Móðirin segir við blaða­mann DV að hún hafi átt stutt­legt sam­tal við kennar­ann og látið vita hvað henni þætti. „Ég sagði við hana að ég kæri mig ekki um að dóttir mín sé látin lesa bækur með svona boð­skap,“ segir konan og bætir við að kenn­ar­inn hafi sagst ætla að skoða málið.

Mynd/skjá­skot af lestr­ar­efni 6 ára stúlku