Mikill leki í heitavatnslögninni til Grindavíkur: „Leit er hafin að biluninni“

Mikill leki er kom­inn í heita­vatns­lögn­ina til Grinda­víkur. Verið er að leita að bil­un­inni.

Almanna­varnir rík­is­ins voru að senda út til­kynn­ingu þar sem fram kemur að mik­ill leki sé nú í heita­vatns­lögn­inni til Grinda­víkur. Þar kemur fram að þrýst­ingur á heita­vatns­lögn­inni sé nú mjög lágur, vegna þess að mik­ils leka gæti bæði á stofnæð­inni til Grinda­víkur og í dreif­kerf­inu í bænum. Leit er hafin að bil­un­inni og verður reynt að gera við hana eins fljótt og auðið er en fram kemur í til­kynn­ing­unni að rétt­ast hafi þótt í stöð­unni að grafa niður á bil­un­ina, í stað þess að leggja nýja lögn yfir hraunið.

Almanna­varnir beinir svo fyr­ir­mælum til þeirra Grind­vík­inga sem geta farið inn á heim­ili sín í Grinda­vík en til­kynn­ing­una og fyr­ir­mælin má lesa hér fyrir neðan:

„Mikill leki í heita­vatns­lögn­inni til Grinda­víkur

Vegna mik­ils leka bæði á stofnæð­inni til Grinda­víkur og í dreifi­kerf­inu í bænum þá er þrýst­ingur á heita­vatns­lögn­inni mjög lágur. Leit er hafin að bil­un­inni og reynt verður að gera við hana sem fyrst. Réttast þótti í stöð­unni að grafa niður á bil­un­ina frekar en að leggja nýja lögn yfir hraunið.Það er mikil áskorun fyrir almanna­varna­kerfið að halda uppi hita í húsum í Grinda­vík. Til að koma vatni um hita­kerfi hús­anna við þær aðstæður sem uppi hafa verið síð­ustu vikur og mán­uði, breyttu píparar á vegum Almanna­varna still­ingu þrýsi­jafn­ara í inn­taks­grindum og lok­uðu fyrir neyslu­vatn og hleyptu vatni af þeim til öryggis. Þetta var talið mik­il­vægt að gera því það er nán­ast ómögu­legt að tryggja eðli­lega vatns­notkun, því smá­vægi­leg breyt­ing á still­ingu þrýsti­jafn­ara eða smá­vægi­leg breyt­ing í þrýst­ingi í dreifikref­inu getur þýtt að annað hvort hætti rennsli um hita­kerfi hús­anna alveg eða þá að rennslið stór­auk­ist.Vegna þessa er mik­il­vægt að hús­eig­endur sem fara inn í húsin sín í Grinda­vík hafi eft­ir­far­andi í huga:Vegna mik­ils leka í stofnæð og dreifi­kerfi er mik­il­vægt að breyta ekki still­ingum í inn­taks­grind.Í sumum íbúðum er hiti í lægri kant­inum og í öðrum er hit­inn mik­ill. Ástæðan er sú að vegna mjög lágs þrýst­ings í dreifi­kerf­inu er ómögu­legt að stýra rennsl­inu nákvæm­lega. Píparar á vegum Almanna­varna lok­uðu fyrir neyslu­vatn og tæmdu neyslu­vatns­lagnir til að draga úr líkum á tjónum ef hiti færi aftur af byggð­inni. Mik­il­vægt er að hús­eig­endur opni ekki aftur fyrir neyslu­vatns­lagn­irnar af þessum sökum. á vegum Almanna­varna lok­uðu gluggum til að draga úr kæl­ingu hús­anna og mik­il­vægt er að hús­eig­endur loki gluggum aftur þegar þeir yfir­gefa íbúðir.“