Kristrún Frostadóttir, formaður Samfylkingarinnar, fær enn meiri byr í seglin samkvæmt nýjustu skoðanakönnun Maskínu sem sýnir fylgi Samfylkingar halda áfram að vaxa, Morgunblaðinu og Sjálfstæðisflokki Bjarna Benediktssonar til mikillar skelfingar.
Gríðarlegt upphlaupð varð þegar Kristrún benti á hið augljósa og sagði að ekki færi saman að halda uppi velferðarsamfélagi og vera með opin landamæri. Hún tók þar undir með Guðrúnu Hafsteinsdóttur dómsmálaráðherra og öðrum þeim sem vilja koma á reglu í útlendingamálum. Eftir ummæli Kristrúnar reis fylgi Samfylkingar og er nú 27 prósent. Sjálfstæðisflokkurinn er með 18 prósent sem þar á bæ þykir ekki vera boðlegt. Slakt fylgi er rakið til formannsins sem er pólitítískt andvana í embætti sínu vegna spillingarmála. Sumir innan flokks hafa þó samúð með honum og telja vesalings Bjarna ekki eiga skilið að hrökklast út með þessum hætti.
Forystukreppa flokksins rýmar svo við ríkisstjórn þar sem hver höndin er upp á móti annarri. Staðan í Sjálfstæðisflokkunum einkennist af örvæntingu og lýsir sér vel í því að rætt er um þingmanninn Hildi Sverrisdóttur sem formannsefni og útspil gegn Kristrúnu …
Athugasemdir