Klámstjarnan Emily Willis er í dái eftir hjartaáfall sem hún fékk í byrjun febrúar en það er fjölmiðilinn TMZ hefur þetta eftir föður hennar. Ástand hennar er þó sögð betra en þegar hún var fyrst lögð inn á sjúkrahús. Fjölskyldan býr sig hins vegar undir það versta en Willis þarf aðstoð öndunarvélar til að geta andað.
Faðir hennar sagði að Willis hafi verið búin með átta daga í meðferð þegar hún fékk hjartaáfallið. Upphaflega var greint frá því að hún hafi verið lögð inn eftir að hafa tekið of stóran skammt en samkvæmt TMZ fundust engin fíkniefni í blóð hennar þegar hún var lögð inn. Fjölskylda hennar hefur sagt að hún hafi borðað lítið daganna áður en hún fór í meðferð og að hún hafi aðeins verið 36 kíló að þyngd en Willis á að hafa verið harðákveðin í að ná sér á beinu brautina eftir að hafa barist við fíknisjúkdóm.
Fjölskylda hennar hefur opnað GoFundMe-síðu og hvetur aðdáendur Willis til að styðja þau til að borga sjúkrahúsreikning Willis.
Willis hefur undanfarin ár verið ein þekktasta klámstjarna Bandaríkjanna og hefur leikið í fleiri en 700 klámmyndum frá 2017. Þá vann hún til AVN-verðlauna árið 2020 fyrir besta endaþarmsatriðið en atriðið birtist í myndinni Disciples of Desire: Bad Cop – Bad City. AVN-verðlaunin eru sögð vera Óskarsverðlaun klámmyndabransans en Willis hefur unnið til átta slíkra verðlauna á ferlinum.
Athugasemdir