Segir viss stjórnmálaöfl á móti þjóðaratkvæðagreiðslum:„Vinna gegn almenningi, en hampa hinum ríku“

Þjóð­ar­at­kvæða­greiðslur eru Birni Birg­is­syni hug­leiknar í nýjust Facebook-færslu hans.

Sam­fé­lags­rýn­ir­inn og fyrr­ver­andi rit­stjór­inn Björn Birg­is­son skrifar um þjóð­ar­at­kvæða­greiðslur í nýrri Facebook-færslu. Segir hann að þær hafa sjaldan verið haldnar hér á landi, þó til séu dæmi um það. Nefnir Björn einka­væð­ing­ar­á­form Sjálf­stæð­is­flokks­ins sem dæmi um mál sem þjóðin hafi ekki verið form­lega spurð út í. Í skoð­ana­könn­unum hafi alltaf komið í ljós að meiri­hluti þjóð­ar­innar sé á móti þeim áformum. Nefnir Björn sér­stak­lega sölu Íslands­banka sem hann kallar „skelfi­lega“. Þá segir hann að stjórn­ar­sátt­máli sé aldrei lagður fyrir þjóð­ina og sé aðeins „sátt­máli á milli mis­spilltra stjórn­mála­flokka, mála­miðlun á gælu­verk­efnum þeirra og hags­muna­að­ila“.

Hér má sjá færsl­una í heild sinni:

„Þjóð­ar­at­kvæða­greiðslur.

Þær tíðkast lítið hér­lendis, en örfáar hafa þó farið fram.Þjóðin hefur til dæmis aldrei verið form­lega spurð út í einka­væð­ing­ar­á­form Sjálf­stæð­is­flokks­ins.Aðeins í skoð­ana­könn­unum, en aldrei form­lega.Í könn­unum kemur alltaf í ljós að þjóðin er að meiri­hluta til mót­fallin einka­væð­ingu bank­anna og yfir­höfuð mót­fallin einka­væð­ingu rík­is­eigna.Til dæmis hefur þjóðin aldrei sam­þykkt þá skelfi­legu sölu á Íslands­banka sem nú er hafin og boðað er fram­hald á.Meiri­hluti þjóð­ar­innar sagði ein­fald­lega nei í öllum könn­unum!Samt var söl­unni troðið inn í stjórn­ar­sátt­mála og síðan er vitnað í hann til rétt­læt­ingar.Stjórn­ar­sátt­máli er aldrei lagður fyrir þjóð­ina.Hann er bara sátt­máli á milli mis­spilltra stjórn­mála­flokka, mála­miðlun á gælu­verk­efnum þeirra og hags­muna­að­ila.Vissum stjórn­mála­öflum er illa við þjóð­ar­at­kvæða­greiðslur.Einkum þeim sem í raun vinna gegn almenn­ingi, en hampa hinum ríku.“