Jakob Frímann íhugar að bjóða sig fram til forseta: „Ótrú­leg­asta fólk úr ýms­um ólík­um átt­um“

Þing­maður Flokks fólks­ins, Jakob Frímann Magn­ús­son, segir nú íhuga fyrir alvöru að gefa kosta á sér til emb­ættis for­seta Íslands.

Stuð­mað­ur­inn Jakob Frímann Magn­ús­son segir í sam­tali við mbl.is að hann sé alvar­lega að íhuga for­seta­fram­boð en að hann muni til­kynna ákvörðun sína á næstu dögum. Ákveði hann að bjóða sig fram bæt­ist hann í hóp ara­grúa fólks sem langar að flytja á Bessa­staði en á fimmta tug manna eru nú að safna með­mæl­endum.

Jakob seg­ist víða hafa fengið hvatn­ingu. „Það er ótrú­leg­asta fólk úr ýms­um ólík­um átt­um. Það var það reynd­ar fyr­ir átta árum líka,“ seg­ir Jakob, aðspurður hverj­ir hafi komið að máli við hann.

Þing­mað­ur­inn er staddur í útlöndum í augna­blik­inu en snýr heim á næstu dögum. Kveðst hann þá funda með stuðn­ings­fólki sínu og ráð­gjöfum. Einnig ætlar hann að ræða við þing­flokk Flokks fólks­ins.

„Ég geri auð­vitað ekk­ert án þess að ræða þetta al­menni­lega við fólkið í kring­um mig, fjöl­skyld­una, þing­flokk­inn og aðra sem ég er í sam­bandi við.“