Jón Gnarr tilkynnir ákvörðun sína á þriðjudagskvöld: „Þetta er búið að vera langt og strangt ferli“

Jón Gnarr ætlar að til­kynna um ákvörðun sína næst­kom­andi þriðju­dags­kvöld.

Grínist­inn, leik­ar­inn og fyrr­ver­andi borg­ar­stjór­inn Jón Gnarr hefur frá því í byrjun árs­ins verið undir feldi með það hvort hann eigi að gera eins og annar hver Íslend­ingur virð­ist vera að spá í, bjóða sig fram til emb­ættis for­seta. Hefur hann leikið sér að und­an­förnu á að birta vís­bend­ingar á sam­fé­lags­miðl­unum þar sem hann meðal ann­ars seg­ist vera að „hugsa næstu skref“. En nú er Jón sem sagt búinn að til­kynna á Facebook að hann muni kynna ákvörðun sína á þriðju­dags­kvöldið næsta klukkan 20. Það mun hann gera með mynd­bandi sem hann er búinn að útbúa. Hér fyrir neðan má lesa færslu hans:

„Kæru vinir. Eins og flest ættu að vita þá hef ég verið að velta fyrir mér mögu­legu for­seta­fram­boði und­an­farna mán­uði. Þetta er búið að vera langt og strangt ferli; hvað skal gera, hvernig skal gera það og hvenær. Ég hef ekki viljað sitja óþarf­lega lengi á þessum upp­lýs­ingum en heldur ekki ana að neinu og auð­vitað, fyrst og fremst, taka ákvörðun sem ég er og verð sáttur með.

Ég hef nú útbúið stutt mynd­band þar sem ég geri grein fyrir ákvörðun minni. Það er mér mikil ánægja að til­kynna að ég mun birta þetta mynd­band á sam­fé­lags­miðlum mínum; Facebook, instagram og X næst­kom­andi þriðju­dags­kvöld kl 20.00.“