Brynjar skiptir um skoðun á RÚV: „Svona getur ein heimsókn breytt miklu“

Brynjar Níelsson hefur öðl­ast nýja sýn á Rík­is­út­varp­inu.

Spéfugl­inn og vara­þing­mað­ur­inn Brynjar Níelsson segir frá því á Facebook að hann hafi eytt mest öllum gær­deg­inum uppi í Efsta­leiti.

„Hvort sem þið trúið því eða ekki þá eyddi ég stórum hluta dags­ins upp í Efsta­leiti. Ég var ekki þarna á vegum fjár­mála­ráð­herra til að loka sjopp­unni heldur þáttak­andi í þætt­inum „Hvað er að frétta“ þar sem ég og Sig­mundur Davíð öttum kappi við gömlu ást­konu mína úr Bítinu, Helgu Völu, og Þor­björgu Sigríði úr Viðreisn. Mér skilst að þetta sé skemmti­þáttur þrátt fyrir veru mína og verði sýndur á undan upp­á­halds­þætti mínum „Vikan með Gísla Marteini“ á föstu­dags­kvöldið.“

Og Brynjar var það ánægður með mót­tök­urnar og þátt­inn að honum hefur alveg snú­ist hugur um RÚV, sem hann hefur lengi vel viljað loka.

„Skemmst er frá því að segja að ég fékk höfð­ing­legar mót­tökur. Meira að segja útvarps­stjór­inn sjálfur tók í hönd­ina á mér. Þátta­stjórn­and­inn er afskap­lega geðug og glæsi­leg ung kona sem kann sitt fag. Sama má segja um allt teymið kringum þátt­inn. Nú er svo komið að afstaða mín gagn­vart RÚV hefur gjör­breyst og ég vil alls ekki draga saman seglin í þessu kompaníi heldur bæta í. Svona getur ein heim­sókn breytt miklu.“