Davíð Oddsson leiðbeinir forsetaefnum: „Ákvað þáverandi forseti að ganga erinda „útrásarvíkinga“

„Á sínum tíma ákvað for­seti að ganga erinda „útrás­ar­vík­inga“ með því að beita neit­un­ar­valdi í máli sem var í raun smátt í sniðum. Rík­is­stjórnin aft­ur­kall­aði ein­fald­lega frum­varpið, enda reis það ekki undir því að þjóðin yrði kölluð til,“ skrifar Davíð Oddsson rit­stjóri í leið­ara Morg­un­blaðs­ins í dag þar sem hann gerir upp við Ólaf Ragnar Grímsson, fyrr­ver­an­mdi for­seta Íslands, og deilir sýn sinni á for­seta­emb­ættið. Hann vísar með þessum orðum til fjöl­miðla­frum­varps­ins sem var að hans frum­kvæði. 

Guðni Th. Jóhann­es­son var kos­inn en Davíð beið afhroð. Mynd / Heima­síða Forseta Íslands

Davíð, sem var lengi í fremstu víg­línu íslenskra stjórn­mála, hefur lengi haft mik­inn áhuga á að kom­ast í stól for­seta Íslands. Þegar hann lét loks­ins til skarar skríða og fór í fram­boð beið hann sann­kallað afhroð og fékk aðeins um 14 pró­sent atkvæða og hafn­aði í fjórða sæti. Guðni Th. Jójhann­es­son var kjör­inn for­seti. Í leið­ara dags­ins gleðst Davíð yfir miklum áhuga lands­manna á emb­ætt­inu.

„Það er í raun­inni gleði­legt að sjá hversu margir telja sig vera upp­lagða í emb­ætti for­seta Íslands eða vilja að minnsta kosti tryggja að land­arnir eigi þann kost að velja sig í það hlut­verk,“ skrifar hann.

Davíð fjallar svo í löngu máli um emb­ætt­is­tíð Ólafs Ragnars Gríms­sonar sem hann átti í miklum úti­stöðum við lengst af ferli sínum sem stjórn­mála­maður.

Ólafur Ragnar Grímsson, fyrr­ver­andi for­seti.

„For­set­inn sá fékk Guðjón Frið­riks­son sagn­fræð­ing til að skrifa um sig bók og voru gömlu bank­arnir, sem útrás­ar­vík­ing­arnir höfðu blóð­mjólkað, látnir bera drjúgan hluta kostn­aðar,“ skrifar Davíð í leið­ara dags­ins.

Hann segir að heiti bók­ar­innar hafi upp­haf­lega verið „Útrás­ar­for­set­inn“. Þetta hafi verið örstuttu áður en afleið­ingar af óábyrgri og stór­skað­legri fram­göngu „útrás­ar­innar“ voru að verða öllum ljósar. Guðjón hafi brugð­ist skjótt við. 

„Bók­ar­efnið sendi höf­und­inn með hraði upp í útgáf­una til að breyta hinu nú vand­ræða­lega nafni og tókst það naum­lega, en menn sátu hins vegar uppi með efn­iskafl­ana. Nafnið „Útrás­ar­for­set­inn“ breytt­ist í „Saga af for­seta“,“ skrifar Davíð í háðs­tóni og bendir á að Ára­mótaskaup Sjón­varps­ins hafi verið helgað útrás­ar­for­set­anum. Hann nefnir hins vegar ekki sinn þátt í hrun­inu sem aðal­banka­stjóri Seðla­banknas þaðan sem hann var nán­ast bor­inn út. 

Í lok leið­ar­ans eru síðan föð­ur­legar leið­bein­ingar fram­bjóð­and­ans fyrr­ver­andi.

„For­set­inn, hver sem hann er, skal stíga var­lega til jarðar og halda sér fast í orð og anda stjórn­ar­skrár lands­ins og „taka sér “ aldrei það vald sem minnstu efa­semdir eru uppi um að rúmist innan þeirra vébanda,“ skrifar hann.