Unglingar stálust í verslunarkjarna og sundlaug – Ógnaði fólki með hnífi

Nóttin var nokkuð eril­söm hjá lög­regl­unni á höf­uð­borg­ar­svæð­inu sam­kvæmt dag­bók hennar. Fimm aðilar gistu fanga­geymslu eftir nótt­ina.

Í Hafn­ar­firði barst til­kynn­ing um aðila sem braut spegla í bif­reið en ekki kemur fram í dag­bók­inni hvort aðil­inn hafi náðst en næsta víst er að óheppni mun elta hann næstu sjö árin.

Annar aðili var hand­tek­inn grun­aður um rúðu­brot í Hafn­ar­firði og fleiri skemmd­ar­verk. Var hann óvið­ræðu­hæfur og vistaður í fanga­geymslu þar til ástand hans skánar.

Til­kynn­ing barst lög­reglu vegna ung­linga sem fóru inn í versl­un­ar­kjarna í Graf­ar­holti en allir voru þeir á bak og burt þegar lög­reglu bar að garði.

Nokkuð var um að lög­reglan hafi ekki fundið aðila sem til­kynnt var um, þar á meðal einn sem var í ann­ar­legu ástandi í Laug­ar­dalnum, mann sem ógn­aði fólki hnífi í Háa­leitis og Bústaða­hverf­inu í Reykja­vík og ung­menni í ann­ar­legu ástandi í mið­borg­inni.

Þá barst lög­reglu til­kynn­ing um yfir­stand­andi inn­brot í tón­list­ar­hús í mið­borg­inni en ekki var vitað meira um málið þegar dag­bókin var skrifuð.

Þá stálust krakkar í sund­laug í hverfi 116.