Jódís styður Katrínu Jakobsdóttur: „Við fórum báðar að skæla“

Jódís Skúla­dóttir mærir Katrínu Jak­obs­dóttur í nýrri Facebook-færslu og vill hana í emb­ætti for­seta Íslands.

Fell­bæski þing­mað­ur­inn Jódís Skúla­dóttir ætlar að kjósa Katrínu Jak­obs­dóttur í for­seta­kosn­ing­unum sem framundan eru. Það er kannski ekki skrítið þar sem þær hafa setið saman á þingi undir merkjum VG þetta kjör­tíma­bilið og eru vin­konur. Í færsl­unni rifjar hún upp tvær eft­ir­minni­leg augna­blik sem hún hefur átt með Katrínu:

„Minn for­seti!

Það hafa verið for­rétt­indi að fá að starfa með Katrínu Jak­obs­dóttur! Sterkasti stjórn­mála­leið­togi sem við höfum átt á Íslandi og hefur leitt þjóð­ina gegnum súrt og sætt um ára­bil.Katrín hefur kennt mér svo ótal margt. Við höfum tek­ist á, við höfum hlegið dátt og lent í ótrú­legum svað­il­förum saman. Eft­ir­minni­leg móment eru þegar við keyrðum tvær í brjál­uðu veðri frá Egils­stöðum til Reykja­víkur. Kata sá um tón­list­ina og við sungum saman mjög skrítna slag­ara. Svo man ég þegar við vorum staddar í sauð­burði, ég var á kamer­unni meðan Katrín dróg út lamb og við fórum báðar að skæla.“

Þá segir Jódís að Katrín sé að taka rétta ákvörðun og að hún sé viss um að VG muni nýta tæki­færin vel sem birt­ast vegna breyt­ing­anna:

„En þó að það sé sjón­ar­sviptir af Katrínu úr stjórn­mál­unum þá held ég að hún sé að taka rétta ákvörðun. Hún á allan minn stuðn­ing á nýjum vett­vangi og mun verða sam­ein­ing­ar­tákn og boð­beri friðar og rétt­lætis sem for­seti Íslands.Í breyt­ingum birt­ast tæki­færi og ég er viss um að við í VG munum nýta þau vel. Mannauður VG er mik­ill, gras­rót, ung­liðar, eldri félagar, stjórn og þing­flokkur. Allt er þetta frá­bært og fram­bæri­legt fólk sem vinnur að stefnu okkar frá­bæru hreyf­ingar.“