„Ég hugsa að þetta hafi ekki verið sýkta hamborgarakjötið,“ sagði Róbert Ólafsson, yfirkokkur á TGI Fridays í Smáralind, í viðtali við DV árið 2004 en þá urðu fjórir starfsmenn staðarins mjög veikir og er veikindum lýst sem bráðavírus í DV.
„Við lögðumst hérna fjórir á miðvikudagsnótt með ælupest og niðurgang. Þetta gekk yfir á einum tíu tímum en þá hafði ég smitað konuna mína og framkvæmdastjórinn son sinn,“ sagði Róbert um málið en einn af kokkunum hafði mætt veikur í vinnuna.
„Hann lét okkur ekki vita að hann væri slappur og svo sá ég á eftir honum inn á klósett að kasta upp,“ sagði Róbert. „Það eru mjög strangir staðlar sem við förum eftir og farið er fram á að starfsmenn þvoi sér reglulega um hendurnar og mæti ekki til vinnu ef þeir eru veikir.“
Þá þvertók hann fyrir að sýktur matur hafi verið ástæða veikinda þeirra. „Allt kjöt á staðnum kemur glænýtt inn og ég held að allar sögusagnir um fuglaflensu séu úr lausu lofti gripnar.“
DV náði náði sambandi Guðmund Skarphéðinsson, framkvæmdastjóra TGI Fridays, en hann var einn af þeim sem urðu veikir. Hann var hins vegar ennþá að jafna sig og vildi ekki tjá sig um málið.
Athugasemdir