Þrátt fyrir að þeirra nánustu bandamenn hvetji til stillingar í kjölfar fordæmalausrar árásar Írans á Ísrael, snúa ísraelskir embættismenn sér að samfélagsmiðlum til að afla sér stuðnings – og til að valda ótta.
Opinber X-reikningur (fyrrverandi Twitter) ísraelskra stjórnvalda birti myndskeið frá árás helgarinnar og svo ljósmynd af Lundúnum í Bretlandi með skilaðboðunum „á leiðinni í borg nærri þér“.
„Stöðvið Íran núna, áður en það er of seint!“ sagði einnig í færslunni, sem birtist sama dag og David Cameron, utanríkisráðherra Bretlands, hitti ísraelska embættismenn í viðleitni sinni til að forðast víðtækari stigmögnun.
Stjórnvöld í Íran létu yfirvöld í Ísrael vita af yfirvofandi flygildaárásum með góðum fyrirvara og sögðu þær svör við árás Ísraelshers á íranska herstöð í Sýrlandi þann 1. apríl síðastliðinn þar sem sjö manns létust, þar af tveir hershöfðingjar. Enginn lést í árásum Írans á Ísrael.
Athugasemdir