Tekur undir með Lilju: „Samfylkingin hætti að herma eftir Pírötum og fór að herma eftir Framsókn“

„Þetta er ekk­ert rangt hjá Lilju. Munið þið þegar Píratar voru sagðir vera nákvæm­lega eins og Sam­fylk­ingin? Það var af því að Sam­fylk­ingin var að reyna að herma eftir okkur en kunni það ekki alveg. Í síð­ustu kosn­ingum gekk Framsókn vel og Sam­fylk­ingin hætti að herma eftir Pírötum og fór að herma eftir Framsókn.“ Þetta segir Björn Leví Gunn­ars­son, þing­maður Pírata í nýlegri Facebook-færslu og er þar að tala um þau orð Lilju Alfreðs­dóttur, menn­ingar- og ferða­mála­ráð­herra, að Sam­fylk­ingin sé að taka upp stefnu Fram­sókn­ar­flokks­ins.

Og Björn Leví var ekki búinn:

„Auðvitað er þetta ekki algjör afritun. Stefna Sam­fylk­ing­ar­innar er í raun­inni ekk­ert flókin. Hún snýst um að borga út alls konar bætur. Vaxta­bætur, barna­bætur, hús­næð­is­bætur, … þið vitið, félags­lega örygg­is­netið. Flestir eru sam­mála því að það þurfi að vera eitt­hvað álíka kerfi til þess að tryggja félags­legt öryggi. Fólki greinir bara á hversu mikið.“

Þá kallar Píratinn stjórn­málin „vin­sæld­ar­keppni“:

„Þess vegna eru það oft hin málin sem ráða úrslitum í vin­sælda­keppn­inni sem stjórn­málin eru og þar er svig­rúm til þess að breyta til á milli kosn­inga eða með nýrri for­ystu.Vandinn er, hins vegar, að það eru ekki bara mál­efnin sem ráða. Mjög oft eru það hags­muna­öflin á bak við flokk­ana sem þurfa sitt. Gamla helm­inga­skipta­kerfið eða ein­hver afleiða af því. Katrín hafði líka rétt fyrir sér mtt. þess, það skiptir máli hverjir stjórna og þegar allt kemur til alls, þá er þetta blanda af hvoru tveggja.

Hvaða mál­efni flokk­arnir leggja áherslu á og svo hverjir stjórna. Eða nánar til­tekið, hvernig er stjórnað.“

Að lokum leggur hann svo til að fleiri flokkar mættu herma eftir Pírötum.

„Píratar eru ekki með ein­hverja leið­togafígúru sem hægt er að benda á „þessi stjórnar“. En það er samt mikið af fólki í Pírötum sem stjórna. Lýð­ræð­is­lega. Fleiri flokkar mættu herma eftir því.“