Segir pólitík stundaða í ofbeldisumhverfi: „Flestir flokkar sætta sig við að svona virki stjórnmál“

Björn Leví Gunn­ars­son þing­maður Pírata skrifar stutta lýs­ing á því hvernig póli­tíkin virkar; hann segir þetta vera ofbeld­isum­hverfi.

„Að því sögðu þá er gott að hafa það í huga að þetta er auð­vitað ekki stöðugt ofbeldi. Eins og alls staðar ann­ars­staðar þá gengur það svona í bylgjum eftir málum. Þeas. þegar það þarf að láta eitt­hvað ger­ast er gripið til þeirra aðferða.“

Hann nefnir einnig „annað sem þarf að hafa í huga er að flestir flokkar sætta sig bara við að svona virki stjórn­mál og taka því bara þátt í leiknum. Reyna að taka því ekki per­sónu­lega af því að þetta er bara eins og í borð­spili. Ef þú lendir á hót­el­reit hjá mér þannig að þú verðir gjald­þrota, þá er það bara þannig. Þannig eru regl­urnar. Fólk hagar sér sem­sagt eftir ímynd­uðum reglum sem geta alveg verið aðrar.“

Davíð Oddsson

Mynd: Facebook

Björn Leví segir svo að lokum að „þá er það spurn­ing um sam­starfsvilja. DO lýsti því vel hvernig þetta virkar, að hjóla í öll mál. Líka þau sem hann var sam­mála. Þetta er ofbeldið í hnot­skurn. Það er ekki unnið mál­efna­lega. Og það sem meira er, þeir flokkar sem vinna mál­efna­lega, hinir flokk­arnir gera ráð fyrir því að það sé ekki mál­efna­leg gagn­rýni og taka henni því ekki alvar­lega.“