Arnar segir að leikmenn sínir vilji ekki að ævintýrið endi: „Slökum aðeins á í vælinu“

Þjálfari Íslands­meist­ara Víkings, Arnar Gunn­laugs­son, seg­ist vera afar spenntur fyrir kom­andi vikum; lið hans mun þá keppa á öllum víg­stöðvum, eins og fram kom á 433.is.

„Nú tekur við tíma­bil sem íþrótta­maður þar sem þú ert bara að fara í ein­hverja veislu. Auðvitað er leikja­á­lag en plís ekki fara að væla um það þegar gul­rótin er að kom­ast í úrslita­leik, þegar gul­rótin er að vinna deild­ina eða kom­ast í 2. umferð í Meist­ara­deild­inni. Slökum aðeins á í væl­inu varð­andi leikja­á­lag. Við erum bara ótrú­lega stoltir og það eru for­rétt­indi að vera í þess­ari stöðu. Við ætlum að njóta þess,“ sagði Arnar.

Víkingur hefur unnið bik­ar­inn allar götur síðan 2019, en keppnin það árið var blásin af vegna kór­ónu­veirunnar 2020.

„Mér finnst eins og fólk sé ekki alveg að gera sér grein fyrir hvað þetta er mikið afrek. Maður heyrir umræð­una, stundum erum við heppnir með and­stæð­ing og svo­leiðis. Það getur vel verið að það sé rétt en í bik­ar­keppn­inni í öðrum löndum, þar er Bayern Munchen að tapa fyrir liði í 2. deild, United kemst rétt svo í gegnum Coventry. Hér eru Valur og Stjarnan að lenda í vand­ræðum með Þór og Keflavík. Blikar eru búnir að detta tvisvar úr keppni gegn Keflavík. Þú þarft að klára þessa leiki og það er ótrú­legt hverju við erum búnir að áorka. Ég ein­hvern veg­inn skynj­aði það í gær að menn vilji ekki að ævin­týrið endi.“