Rússar gjöreyddu barnasjúkrahúsi í Úkraínu í loftárás – Tugir látnir

Að minnsta kosti 30 manns hafa látið lífið í sprengju­árás Rússa sem gerð var á borgir í Úkraínu í dag og var einni eld­flaug­anna skotið á stærsta barna­spít­ala í Kænu­garðs, höf­uð­borg Úkraínu.

Talið er að um 40 eld­flaugum hafi verið skotið inn fyrir landa­mæri Úkraínu og yrðu miklar skemmdir á ýmsum innviðum, versl­unum og íbúð­ar­hús­næði sam­kvæmt frétta­stof­unni Reuters. „Allir við­bragðs­að­ilar hafa verið virkj­aðir til þess að bjarga eins mörgum og mögu­legt er. Heim­ur­inn allur ætti að beita sér af fullum krafti til þess að binda enda á árásir Rússa,“ sagði Selenskí, for­seti Úkraínu um árás­ina. Borg­ar­stjóri Kænu­garðs lét hafa eftir sér að þetta væri með skæð­ustu árásum á borg­ina síðan inn­rás Rúss­lands hófst í byrjun 2022.

Yfirvöld í Rúss­landi hins vegar neita að eld­flaug­unum hafi verið ætlað að særa almenna borg­ara og segja að þeim hafi verið beint að skot­mörkum sem hafi hern­að­ar­legt gildi.