Sjónvarpsstjarna tilkynnti eigið andlát: „Vonandi horfi ég niður úr skýi“

Áströlsk sjón­varps­kona til­kynnti eigið and­lát á sam­fé­lags­miðlum.

Fiona MacDonald, stjórn­andi þátt­anna It´s a Knockout og Wombat er látin, 67 ára að aldri. Til­kynnti hún um and­lát sitt á sam­fé­lags­miðlum. Fiona hefur barist við hreyfi­tauga­sjúk­dóm (MND) í tals­verðan tíma en hefur und­an­farið hafnað frek­ari með­ferð við sjúk­dóm­inum vegna óvæg­inna ein­kenna hins grimma sjúk­dóms. Í hjart­næmri færslu sagði hún að hún von­aði að hún „horfði niður úr skýi“.

Þátta­stjórn­and­inn frá Queensland í Ástralíu var þekkt fyrir þátta­stjórn á þáttum á borð við Wombat, þar sem hún kom fram á skjánum þar sem arf­taki brúðu­leik­húss­ins Agro’s Cartoon Connection á níunda ára­tugnum. Hún hafði barist við MND sjúk­dóm­inn síðan í nóv­em­ber 2021. Árið 2000 tók Fiona sér pásu úr sjón­varpin­unu til að ein­beita sér að eigin vín­við­skiptum. Áður en hún lést hafði Fiona skrifað sína eigin dán­ar­til­kynn­ingu og í ljós kom að systir hennar, Kylie, hafði fengið það verk­efni að deila henni með fylgj­endum hennar.

Í yfir­lýs­ingu sem Fiona deildi á sam­fé­lags­miðlum sagði hún: „Verið sælir vinir mínir. Kylie systir mín birtir þetta vegna þess að ég hef yfir­gefið bygg­ing­una – Vonandi horfi ég niður úr skýi. Í gær­kvöldi lauk mjög erf­iðu tíma­bili sem varði síð­ustu mán­uði. Þetta var mjög frið­sælt, strák­arnir og Kylie voru hjá mér til að kveðja. Þó að ég hafi aldrei viljað deyja, var til­hugs­unin um að yfir­gefa þjáða lík­ama minn léttir. Síðustu mán­uðir hafa verið erf­iðir. Ég var hætt að geta kyngt venju­legum mat, ekki gekk að fæða mig í gegnum slöngu því þarm­arnir réðu ekki við hinar mörgu teg­undir prótein­drykkja. Þeir fóru bara beint inn og beint út.

Fiona sagði að „svartur húmor“ hefði hjálpað henni fyrstu árin eftir grein­ingu hennar en síðan hefði þetta „breyst í örvænt­ingu“. Hún tók þá ákvörðun að hætta að þiggja lækn­is­að­stoð eftir „mikla sál­ar­leit“. Hún hélt áfram: „Ég tók þá ákvörðun eftir mikla sál­ar­leit að hætta allri lækn­is­að­stoð og fara loks­ins inn á sjúkra­hús til líkn­ar­með­ferðar.“

Enn bætti hún við: „Þegar þú elskar lífið eins mikið og ég, þá þarf mikið hug­rekki til að taka ákvarð­anir sem leiða til enda­loka. Þannig að við skulum ekki kalla þetta kveðju­stund þar sem ég von­ast til að sjá ykkur aftur hinum megin. Þangað til: „Megi vindur vera alltaf við bakið á þér, megi sólin skína hlýtt á and­lit þitt, megi rign­ingin falla mjúk­lega yfir akra þína þar til við hitt­umst aftur, og megi Guð halda þér í lófa sínum.“ Fiona birti ljós­mynd með færsl­unni þar sem hún sést bros­andi við hlið sona sinna tveggja, Harry og Rafe, auk fjöl­skyldu­hund­ar­ins. Á annarri ljós­mynd sést hún með maka sínum, Kylie þar sem þau stilla sér upp við fal­legt sól­setur.

Aðdá­endur hafa síðan farið á sam­fé­lags­miðla til að heiðra hina látnu stjörnu og einn skrif­aði: „Takk fyrir allt, Fiona Mac. Stór hluti af 80s æsku minni.“ Annar bætti við: „Mjög leið­in­legt að heyra af and­láti Fionu McDonald. Hún var mjög skemmti­leg, frá Wombat til It’s a Knockout, og virki­lega ynd­is­leg kona. Hvíl í friði.“

„Bless og takk fyrir frá­bæra og skemmti­lega Fiona MacDonald. Við munum öll sakna þín. Hvíl í friði,“ sagði enn annar. Sá fjórði skrif­aði: „Vertu sæl elsku Fi… hug­rekki þitt hefur verið hvetj­andi og þín verður sárt saknað. Sendi mikla ást til þín, fjöl­skyldu þinnar og margra vina þinna.“