Yazan og fjölskylda fær að vera á Íslandi: „Þetta var tilfinningarík stund“

Fyrr í dag fékk hinn ell­efu ára Yazan Tamimi frá Palest­ínu og fjöl­skylda hans sam­þykkta við­bót­ar­vernd hjá Útlend­inga­stofnun.

Vísir hefur eftir lög­manni fjöl­skyld­unnar og hún hafi verið boðuð í við­tal í dag og til­kynnt góðu frétt­irnar. Segir hann að bæði kæru­nefnd útlend­inga­mál og Útlend­inga­stofnun hafi unnið hratt að umsókn­inni.

Það var í júní á síð­asta ári sem Mohsen og Feryal Aburajab Tamimi flúðu til Íslands ásamt syni þeirra, Yazan, sem er með Duchenne vöðva­rýrn­un­ar­sjúk­dóm­inn. Fjöl­skyldan flúði frá Hebron á Vest­ur­bakk­anum í Palest­ínu vegna versn­andi ástands í land­inu sem og aðkasts yfir­valda. Auk þess var skortur á þjón­ustu á svæð­inu fyrir Yazan.

Brottvísun frestað á síðustu stundu

Í síð­asta mán­uði stóð til að vísa fjöl­skyld­unni úr landi en Yazan var sóttur í Rjóðrið þar sem hann lá í hvíld­ar­inn­lögn, seint að kvöldi og var farið með fjöl­skyld­una á Kefla­vík­ur­flug­völl. Guð­mundur Ingi Guð­brands­son félags­mála- og vinnu­mála­ráð­herra bað dóms­mála­ráð­herra um að fresta brott­vís­un­inni, sem gekkst við þeirri beiðni. Í kjöl­farið til­kynnti emb­ætti rík­is­lög­reglu­stjóra að fjöl­skyldan yrði ekki vísað frá aftur þar sem of stutt var í að hún ætti rétt á að láta taka umsókn sína til efn­is­legrar með­ferðar en það var 21. sept­em­ber.

„Þetta gekk allt mjög hratt fyrir sig. Þegar þessi tíma­frestur var lið­inn þá opn­aði kæru­nefnd málið um leið. Útlend­inga­stofnun, þeim til hróss, boð­aði þau í við­tal í morgun,“ segir Albert Björn Lúð­vígs­son lög­maður fjöl­skyld­unnar í sam­tali við Vísi og bætti við: „Þetta gerð­ist mjög hratt. Miklu hraðar en gengur og ger­ist.“

Segir hann að í öllum sam­bæri­legum málum hafi Palest­ínu­mönnum verið veitt vernd á grund­velli sjón­ar­miða um við­bót­ar­vernd, sem vísi til almenns ástands í Palest­ínu.

„Þetta er sú vernd sem 97 til 98 pró­sent Palest­ínu­fólks á Íslandi hefur fengið.“

Fjölskyldan í spennufalli

Albert segir fjöl­skyld­una afar glaða en að hún sé einnig í miklu spennu­falli.

„Þau voru hrærð og þetta var til­finn­inga­rík stund. Fyrsta við­kvæði Mohsen, föður Yazan, var að biðja mig um að hjálpa sér að semja bréf til þeirra sem hafa hjálpað þeim á Íslandi.“

Segir hann fjöl­skyld­una hafa farið heim eftir fund­inn þar sem þau ætl­uðu að fagna frétt­unum.

„Þau eru núna örugg á Íslandi. Þau fá tveggja ára dval­ar­leyfi á Íslandi sem þau geta end­ur­nýjað og standa að flestu leyti jafn­fætis öðrum á Íslandi hvað varðar aðgengi að heil­brigð­is­þjón­ustu og annarri þjón­ustu.“

Fram úr björtustu vonum

Segir Albert að hraði máls­ins hafi farið fram úr hans björt­ustu vonum.

„Þetta fór fram úr mínum björt­ustu vonum. Ég hafði von­ast til þess að þetta myndi ekki taka margar vikur. Ég hafði ýtt pínu­lítið á kæru­nefnd að klára þetta sem fyrst, sem kæru­nefnd varð við. Ég náði svo ekki einu sinni að óska eftir því að Útlend­inga­stofnun boð­aði þau í við­tal sem fyrst því stofn­unin gerði það að eigin ákvörðun. Þannig þetta gekk mjög hratt fyrir sig.“

Albert segir Útlend­inga­stofnun hafa náð að vinna sig í gegnum umsókn­ar­hal­ann að und­an­förnu, auk þess sem umsókn­unum hafi fækkað á þessu ári.

„Þetta er að sumu leyti það sem er eðli­legt. Fyrir nokkrum árum var boðað hraðar í við­töl.“