Sanna lenti í „hakkavél“ Stefáns siðfræðings: „Mér varð strax ljóst að þetta yrði frekar aggresíft“

Sanna Magda­lena Mörtu­dóttir seg­ist hafa lent í „hakka­vél“ Stefáns E. Stef­áns­sonar í Spurs­málum á mbl.is, þegar hann spurði hana út í breyt­ingar á skatta­lögum und­an­farna ára­tugi.

Oddviti Sós­í­alista í Reykja­vík suður, Sanna Magda­lena Mörtu­dóttir skrif­aði Facebook-færslu eftir hádegi í dag þar sem hún seg­ist hafa farið í „aggresíft“ við­tal hjá sið­fræð­ingnum Stefáni E. Stef­áns­syni í Spurs­málum þar sem hún var spurð út í skatta­lög.

„Ég lenti í hakka­vél­inni hjá Stefáni Einari í Spurs­málum og mér varð strax ljóst að þetta yrði frekar aggresíft þar sem það átti að athuga með alfræði­þekk­ingu mína á breyt­ingar á skatta­lögum und­an­farna ára­tugi.“ Þannig hefst færsla Sönnu en hún seg­ist í næstu orðum gera þá sjálf­sögðu kröfu á sig að hún þekki þróun skatta­laga­mála en að það sé erfitt að koma því til skila „í þessum kring­um­stæðum“, því vilji hún koma því til skila í færsl­unni.

„Set að sjálf­sögðu þá kröfu á mig að ég þekki fram­vindu þess­ara mála sem hafa átt sér stað en í þessum kring­um­stæðum var erfitt að koma því á fram­færi og kem ég því til skila hér:

Skattar sem voru lækk­aðir á fjár­magn og fyr­ir­tæki á nýfrjáls­hyggju­ár­unum (á sama tíma og skatta á almennt launa­fólk voru hækk­aðir):Aðstöðu­gjald afnumið (sem var eins­konar útsvar á fyr­ir­tæki sem rann til sveit­ar­fé­laga)Eigna­skattar afnumd­ir­Tekju­skattar fyr­ir­tækja lækk­að­ir­Fjár­magnstekju­skattur lækk­aður (fjár­magnstekjur áður skatt­lagðar eins og launa­tekjur)Efsta þrep erfða­fjár­skatts lækk­aðÁ sama tíma var:Útsvar hækkað Per­sónu­af­sláttur lækk­aður (fylgir ekki verð­lagi)Virð­is­auka­skattur hækk­að­ur­Trygg­inga­gjald hækkað (sem er í raun skattur á launa­fólk)

Líf­eyr­is­ið­gjöld hækkuð (nið­ur­greiðsla á eft­ir­launum frá TR).“

Segir Sanna að lokum að þannig hafi skatt­byrðin verið flutt frá hinum ríku og yfir til almenn­ings.

„Með þessu var skatt­byrði flutt frá hinum ríku, fjár­magns­eig­endum og stærstu eig­endum fyr­ir­tækja, til almenn­ings. Árið 1990 voru lág­marks­laun, elli- og örorku­líf­eyrir skatt­frjáls.Nú greiðir lág­tekju­fólk mörg þús­und krónur á mán­uði, fólk sem á varla fyrir mat. Tekju­skattur fyr­ir­tækja og fjár­magnstekju­skattur eru lægstir á Íslandi á Norð­ur­lönd­unum.Það er helsta ástæða fyrir van­fjár­mögnun grunn­kerfa og inn­viða. Það hefur verið stefna stjórn­valda síð­ustu 35 árin að styrkja hin ríku frekar en byggja upp sam­fé­lagið.“