Bréfberar í Keflavík njósnuðu fyrir Magnús forstöðumann: „Við viljum hafa yfirsýn“

Heil­brigð­is­eft­ir­lit Suð­ur­nesja bað bréf­bera að njósna um hunda árið 2004 en DV fjall­aði um málið.

Nokkuð furðu­legt mál kom upp í Keflavík árið 2004 en þá sendi Magnús Guð­munds­son, for­stöðu­maður Heil­brigð­is­eft­ir­lits Suð­ur­nesja, bréf til Íslands­pósts í Keflavík þar sem bréf­berar bæj­ars­ins voru beðnir að skrá niður alla hunda sem þeir kæmu auga á og hvar þeir væru til húsa.

„Já, ég kann­ast við að hafa sent dreifi­bréf til póst­burð­ar­fólks á Suð­ur­nesjum og óskað eftir því að það skráði niður hjá sér í hvað húsum það yrði vart við hunda. Ástæðan er ein­fald­lega sú að við viljum hafa yfir­sýn yfir þessa hluti í ljósi þess að póst­burð­ar­fólk hefur verið að kvarta yfir lausum hundum,“ sagði Magnús við DV um njósn­irnar.

Magnús neit­aði við DV að ástæðan væri til að geta rukkað fólk um óskráða hunda en benti þó á að ef allir myndu skrá hunda sína væri hægt að lækka gjöldin. „Gjöldin standa prýði­lega undir rekstri hunda­eft­ir­lits­ins, það er ekki það, en það væri gott ef hægt væri að lækka þau með því að ná til þeirra sem ekki greiða sín lög­bundnu gjöld,“ og sagði að hann sæi ekk­ert athygl­is­vert við að bréf­berar njósni um einka­hagi ann­arra.

Ekki til laga­heim­ild um slíkar njósnir

Heim­ildir DV sögðu hins vegar að bréf­berar hafi sér­stak­lega verið beðnir um að skrá niður hversu margir hundar væru á hverju heim­ili. Anna María Guð­munds­dóttir, yfir­maður póst­af­greiðsl­unnar í Keflavík, neit­aði í sam­tali við DV að hafa komið bréfi Magnúsar áfram til bréf­bera en heim­ildir DV sögðu annað.

DV hafði sam­band við Sigrúnu Jóhann­es­dóttur, for­stöðu­mann Per­sónu­verndar, sem sagði ekki væri til laga­heim­ild til að afla þess­ara upp­lýs­inga á þennan máta.